Nɔmbɛs 24:4 - EBƆRƐ BE KAWƆL

⁴ nsaa nu kusɔ nɛ Ebɔrɛ bee kaŋɛ na. Ma anishi yil nna nɛ k wora ma lemm fanɛ edare na nɛ n nya bɔrɛdare ashi Enyɛnpe Ebɔrɛ kutɔ.

Nɔmbɛs 24:4 Iomraidhean Croise

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 15:12

Saŋɛ nɛ epeŋi bee sha ketɔr na nɛ Eebram di m mel nɛ tentembiri plɔtɔ ba buu mo so.

1 Bewura 22:17

Ndoŋ nna nɛ anebi Mikaya naŋ kaŋɛ le: “N wu Israɛl be benapo na ka pesaŋ to n sɔ abee so fanɛ mbolpɔ nɛ b maŋ kɔ ekpapo na. Nɛ Enyɛnpe Ebɔrɛ kaŋɛ le: ‘Basa ere maŋ kɔ ejuŋkparpo, shin nɛ b ta kagbenewushi a yɔ epe.’ ”

Nshɛ 89:19

Le nɛ fo daŋ bɔla bɔrɛdare to ŋ kaŋɛ fo bebɛsopo nɛ baa ji kashenteŋ a sa fo na: “Ma e naa sa enapo eleŋ. Ma alɛ e ta kuwurputi na n sa esa nɛ ŋ gbagba lara ashi ma basa to.

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Nɔmbɛs 22:20

Kumo be kanyɛso nɛ Ebɔrɛ kaŋɛ Balaam le: “Meeŋ shin nɛ fo tu Ewura Balak be mbɔ na n yɔ Mowab, ama ya wora kusɔ kama nɛ meeŋ kaŋɛ fo.”

Nɔmbɛs 22:31

Nɛ Enyɛnpe Ebɔrɛ bugi Balaam be anishi nɛ e wu malaika na ka keta tokobi a yil ekpa na to. Ndoŋ nna nɛ Balaam kurgi kumu n yuu kasawule.

Nɔmbɛs 24:15

Ndoŋ nna nɛ e kaŋɛ le: “Biyɔɔ pibinyɛn Balaam be kubɔya nde, emo nɛ e bee wu nɛnɛ na be mmalga nde.

Nɔmbɛs 24:5

Israɛlebi, men be ewajɛbu na walɛ pasaa!

Ashuŋ Shunso 10:10

Ndoŋ nna nɛ akoŋ pɛ mo ga nɛ e yɛlga keji.

Ashuŋ Shunso 10:19

Pita daŋ kraa pin bɔrɛdare nɛ e ku na be kifito nna a gben nɛ Kiyoyu Cheeŋ na kaŋɛ mo: “Nu nfe, benyɛn asa ko bee fin fo.

Ashuŋ Shunso 22:17

Kumo be kaman nɛ m bɛta m ba Jerusalɛm m ba kaa kule Ebɔrɛ bɔrɛlambu na to nseŋ ku bɔrɛdare n wu Enyɛnpe Yesu nɛ e kaŋɛ ma:

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

1 Samuɛl 19:24

Sɔɔl daŋ yili Samuɛl gba be anishito n wu abɔrɛsheŋ ŋ kaŋɛ hale ŋ gbaŋ mbe epiŋi n le. Yili kachipurso kikɛ nɛ e daŋ baŋ delgeso n tɔr a dese Samuɛl be anishito hale n ya fo kanyɛso. Kananɛ k ji nna nɛ basa bee bishi le na: “Sɔɔl gba naŋ ki anebi nna a?”