Nɔmbɛs 24:1 - EBƆRƐ BE KAWƆL

¹ Ŋkpal Balaam ka tea nyi fanɛ Enyɛnpe Ebɔrɛ bee sha fanɛ e nɛfa Israɛlebi na so, e daa maŋ wora ŋkilgisheŋ kikɛ fanɛ kananɛ e chɛr a wora saŋko saŋko na. E daŋ kilgi mbe anishi nna n shoŋi keshishɛrsawule na be kaba so

Nɔmbɛs 24:1 Iomraidhean Croise

Nɔmbɛs 22:13

Kare ka chɛ kachipurso, nɛ Balaam koso n ya kaŋɛ Ewura Balak be mbɔ le: “Men bɛta n yɔ epe, ŋkpal manɛ so, Enyɛnpe Ebɔrɛ maŋ sa ma ekpa fanɛ n tu menyi n yɔ.”

Nɔmbɛs 22:7

Ndoŋ nna nɛ Mowabebi nɛ Midianebi be bejuŋkparpoana na ta amansherbi nɛ Ewura Balak be kubɔya na n yɔ nɛ b ya sa Balaam nɛ e ba shuŋ n sa bumo.

Nɔmbɛs 23:15

Ndoŋ nna nɛ Balaam kaŋɛ Ewura Balak le: “Baa yil fo sarga ere be kakpa nɛ n yɔ Enyɛnpe Ebɔrɛ na kutɔ m ba.”

Nɔmbɛs 23:20

Ebɔrɛ kaŋɛ ma nna fanɛ m baa nɛfa. M maaŋ tiŋ n chɛrga kusɔ nɛ Ebɔrɛ nɛfa.

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Nɔmbɛs 23:28

Ndoŋ nna nɛ Ewura Balak keta Balaam n yɔ kebeegboŋ nɛ baa tre Piyɔɔ na be esoso be kakpa nɛ feeŋ yili n wu keshishɛrsawule na so kikɛ na.

Nɔmbɛs 23:3

Ndoŋ nna nɛ Balaam kaŋɛ Ewura Balak le: “Baa yil fo sarga ere ase nɛ n yɔ anishito n ya keni, Enyɛnpe Ebɔrɛ beeŋ ba ma kutɔ a? Saŋɛ na so meeŋ kaŋɛ fo kusɔ kama nɛ e lara ŋ ŋini ma, nseŋ dii n yɔ kebee na be kakpa nɛ ndibi nɛ afitiri maŋ wɔ na.”

Nɔmbɛs 23:30

Nɛ Ewura Balak wora kusɔ nɛ Balaam kaŋɛ na nseŋ mɔ gbolu nɛ kpakpa n lara sarga ebɔrɛsure na be kekama so.

Nɔmbɛs 31:16

Bumo e daŋ bɛ Balaam be keŋini so n fule Israɛlebi na nɛ b kini Enyɛnpe Ebɔrɛ n ya ka shuŋ kegbir nɛ baa tre Baal ashi Piyɔɔ, nɛ Enyɛnpe Ebɔrɛ shin nɛ aleblawu ba mbe basa so na.

Kelaraŋŋini 2:14

Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.

1 Samuɛl 24:20

Naniere nɛ m pin fanɛ, fo e naaŋ ba ki Israɛl be ewura nɛ fo kuwurji malɛ e ji eleŋ ga.

1 Samuɛl 26:2

Epul to nɛ Sɔɔl keta Israɛl be benapo nɛ b nyi kena be kekɔ ga na be ŋgboŋ asa n yɔ Ziif be kiyi na to nɛ e ya fin Deevid.

1 Samuɛl 26:25

Nɛ Sɔɔl kaŋɛ Deevid le: “M pibinyɛn Deevid, Ebɔrɛ e nɛfa fo n shin nɛ fo baa kɔ a pɔɔ so ashi kusɔ kama nɛ fee wora to!” Ndoŋ nna nɛ Deevid pɛ mbe ekpa n choŋ nɛ Sɔɔl malɛ bɛta n yɔ epe.