Nɔmbɛs 22:3 - EBƆRƐ BE KAWƆL

³ nɛ kufu pɛ mo nɛ mbe basa kikɛ ga.

Nɔmbɛs 22:3 Iomraidhean Croise

Nehemaya 13:2

Ŋkpal manɛ so b daŋ kini kesa Israɛl be basa ajibi nɛ nchu nna nseŋ naŋ ber Balaam paa fanɛ e shoduu bumo jemanɛ nɛ Ebɔrɛ daŋ lara bumo n shi Ijipt be efuli so a yɔ Keenan be kasawule so nɛ b ya kɔ n sɔ kasawule na. Ama anyi be Ebɔrɛ na daŋ kilgi Balaam be shoduu na nna ŋ ki nɛfa n sa anyi.

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Ɛksodɔs 1:12

Ama kanaŋkama nɛ b daŋ baa tɔrɔ Israɛlebi na, bumo alɛ daŋ baŋ kraa wora keshi nna a ti so nseŋ sɔ kasawule na so kikɛ nɛ Ijiptebi na fara a ŋana Israɛlebi na alegaiso.

Ɛksodɔs 15:15

Kufu beeŋ pɛ Edɔm be bewuraana nɛ Mowab be bejuŋkparpoana ga ŋkpal loŋ so. Keenan be basa kikɛ beeŋ pɔ aba,

Ɛksodɔs 23:27

Meeŋ shin nɛ kufu nɛ keyeŋiyeŋi e tɔr basa nɛ menyee tu na so. Meeŋ shin nɛ men doŋana e kilgi n shile menyi.

Aizaaya 23:5

Ijiptebi gba kaŋ nu fanɛ Tayɛ mur, k beeŋ chinchiŋ bumo nɛ kufu e pɛ bumo.

Ditɛronɔmi 2:25

Yili kabre a yɔ, meeŋ shin nɛ kaplɛkama be basa e baa ŋana menyi. Kufu beeŋ pɛ ekama nɛ e beeŋ nu b ka ti menyi be ketre nɛ e baa chicha.”

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.