Nɔmbɛs 20:2 - EBƆRƐ BE KAWƆL

² Nchu daa maŋ wɔ kakpa nɛ b wora bumo be keeyi to na, amoso basa na daŋ ba kulti Mosis nɛ Ɛɛrɔn nna n wɔtɔ

Nɔmbɛs 20:2 Iomraidhean Croise

Nshɛ 106:32

Basa na daŋ wɔtɔ Enyɛnpe Ebɔrɛ na agbo to nna ashi kubuye nɛ baa tre Mɛriba na ase, nɛ Mosis daŋ ŋkpal bumo so n wora n da Ebɔrɛ so.

Ɛksodɔs 16:12

“N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Ɛksodɔs 16:2

Ndoŋ nna nɛ Israɛlebi na kikɛ naŋ fara a fubel a malga a gbiti Mosis nɛ Ɛɛrɔn

Ɛksodɔs 16:7

Echefo chipurso menyeeŋ wu Enyɛnpe Ebɔrɛ na be kemaŋkura, ŋkpal manɛ so, e nu menyi be mmalga nɛ menyee malga a gbiti mo na kikɛ. Mo nɛ men daa malga ŋ gbiti na, mannɛ anyi.”

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 14:9

Amoso men sa maŋ shin nɛ an kini kenu n sa Enyɛnpe Ebɔrɛ na. K maŋ daga an ka bee ŋana basa nɛ b wɔ ndoŋ na, ŋkpal manɛ so, Enyɛnpe Ebɔrɛ na wɔ anyi kutɔ, amoso b maaŋ tiŋ ŋ kɔ m pɔɔ anyi so.”

Nɔmbɛs 16:19

Nɛ Koora shin nɛ Israɛlebi na kikɛ gbargbar abar m ba yili Mosis nɛ Ɛɛrɔn be anishito ashi wajɛbu na be kabuna. Epul na to nɛ Enyɛnpe Ebɔrɛ be kemaŋkura lar basa na kikɛ so,

Nɔmbɛs 16:3

Bumo kikɛ daŋ shɛr Mosis nɛ Ɛɛrɔn kutɔ nna ŋ kaŋɛ bumo le: “Manɛ nna nɛ menyee fɛ fanɛ men bɔ esa kikɛ ere? An kikɛ la Enyɛnpe Ebɔrɛ be basa cheembi nna.”

Nɔmbɛs 16:42

B ka ba abar so nɛ b ba malga ŋ gbiti Mosis nɛ Ɛɛrɔn na, nɛ b keni wajɛbu na be kaba so, nseŋ wu Enyɛnpe Ebɔrɛ be kemaŋkura ka bɔla kuwɔlpa to m ba buu kumo so.

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”