Nɔmbɛs 20:1 - EBƆRƐ BE KAWƆL

¹ Kafɛ to be kufɔl juŋkparso to nɛ Israɛlebi na fo keshishɛrsawule nɛ baa tre Zin na nseŋ wora bumo be keeyi to ashi Kadɛsh. Ndoŋ nɛ Miriam wu nɛ b ta mo m puli.

Nɔmbɛs 20:1 Iomraidhean Croise

Jɛnesis 14:7

Kede be kaman nɛ b bɛta kaman m ba Ɛn Mishpat. (Kumo e la Kadɛsh na) Ndoŋ nna nɛ b naŋ ya kɔ n sɔ Amalɛkebi be nsawule kikɛ nseŋ naŋ kɔ m pɔɔ so Amɔriebi nɛ b daa wɔ Hazazɔn Tamaa na malɛ so.

Nshɛ 29:8

Enyɛnpe Ebɔrɛ na be kamalga bee shin nna nɛ keshishɛrsawule bee gbuŋgbuŋ to. Mbe kamalga e shin nɛ Kadɛsh be keshishɛrsawule gbuŋgbuŋ to.

Ɛksodɔs 15:20

Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Ɛksodɔs 2:4

Nɛ kebia na mo dache malɛ ya feŋ n yili a keni kusɔ nɛ k beeŋ wora mo.

Ɛksodɔs 2:7

Epul na to nɛ kebi popɔrbi na mo dache na ba bishi ewura Fɛɛro pibiche na le: “N ya tre Hibruw be eche ko m ba nɛ e ba sɔ mo n ya kaa nyipo a sa fo a?”

Ezikɛl 47:19

Kasawule na be kelargato be kaseto be ekar beeŋ fara Tama be kade na nna ŋ keta n ya fo Kadɛsh Mɛriba be achubu na ashi kelargato be kaseto be epeŋilarkpa be kaba so nseŋ naŋ ta n sɔ kelargato be epeŋitɔrkpa be kaba so a shi Ijipt be gbaŋ to n ta ya fo Mɛditerenia be Teku ase.

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Nɔmbɛs 12:1

Miriam nɛ Ɛɛrɔn daŋ malga nna ŋ gbiti Mosis ŋkpal e ka ta Kush be efuli so be eche so.

Nɔmbɛs 12:10

nɛ kuwɔlpa na gba lar kakpa nɛ wajɛbu na wɔ na. Ndoŋ nna nɛ keboti pɛ Miriam nɛ mbe kayurwule ki n fuli parr fanɛ ateebi. Ɛɛrɔn ka wu fanɛ keboti pɛ Miriam na,

Nɔmbɛs 12:15

Amoso b daŋ lara Miriam keeyi na to nchɛ ashunu nna nɛ e nya alenfia m bɛta m ba pɔɛŋ nɛ Israɛlebi kaa ndoŋ n yɔ

Nɔmbɛs 13:21

Ndoŋ nna nɛ basa na ya yili Zin be keshishɛrsawule nɛ k wɔ kelargato be kaseto be kaba so na n dara kasawule na n ya fo kade nɛ baa tre Rehɔb nɛ k wɔ Lɛbo Hamaf be kepla so na.

Nɔmbɛs 13:26

n yɔ Mosis nɛ Ɛɛrɔn nɛ Israɛlebi na kikɛ kutɔ ashi Kadɛsh nɛ k wɔ keshishɛrsawule nɛ baa tre Paran na n ya kaŋɛ bumo kusɔ nɛ b ya wu ndoŋ nseŋ ta ndoŋ be asɔrso na ŋ ŋini bumo.

Nɔmbɛs 20:16

Nɛ an shu ŋ ŋini Enyɛnpe Ebɔrɛ nɛ e nu anyi be kushu nseŋ shuŋi malaika nɛ e ba lara anyi ashi Ijipt be kasawule so. Naniere an fo kade nɛ baa tre Kadɛsh nɛ k wɔ fo kasawule be egbaŋ be ekar na.

Nɔmbɛs 20:22

Nɛ Israɛlebi na kikɛ lar Kadɛsh n ya fo kebeegboŋ nɛ baa tre Hɔɔr

Nɔmbɛs 20:28

Ndoŋ nna nɛ Mosis lara Ɛɛrɔn be kabɔrɛmata be piŋi na m buu Eliaza. Nɛ Ɛɛrɔn wu kebee na be esoso ndoŋ nɛ Mosis nɛ Eliaza gbelge to m ba.

Nɔmbɛs 26:59

Amram e daŋ ta Livai pibiche Jokabed nɛ b daŋ kurge Ijipt be efuli so na. Mo nɛ mo e kurge Ɛɛrɔn nɛ Mosis nɛ Miriam.

Nɔmbɛs 27:14

Ŋkpal manɛ so, Israɛlebi na ka fubel m bile asheŋ m malga ŋ gbiti ma ashi Mɛriba nɛ k mata Kadɛsh ashi Zin be keshishɛrsawule so na, kakpa nɛ n shin nɛ nchu lar kefalta to na, menyi basa anyɔ na daŋ maŋ yirda ma nseŋ kini keshin nɛ Israɛlebi na pin ma eleŋ.”

Ditɛronɔmi 1:46

Amoso, nɛ an chena kakpa nɛ baa tre Kadɛsh na n chɛr na.

Ditɛronɔmi 2:14

An ka lar kakpa nɛ baa tre Kadɛsh Bania na be nfɛ adesa nɛ aburwa nna na. Benyɛn kama nɛ b daa tiŋ a kɔ kena loŋ be jemanɛ na kikɛ wu, fanɛ kananɛ Enyɛnpe Ebɔrɛ na kaŋɛ fanɛ baaŋ wu na.

Ditɛronɔmi 32:51

Ŋkpal manɛ so, menyi benyɔ na kikɛ daŋ maŋ ji kashenteŋ n sa ma ashi basa na be anishito. Jemanɛ nɛ men daa wɔ Meriba be nchu nɛ k mata kade nɛ baa tre Kadɛsh na ashi kiyi nɛ baa tre Zin so na ase, men daŋ maŋ maŋkura ma ashi basa na be anishito.

Demujipoana 11:16

Ama kusɔ nɛ k wora e la fanɛ, Israɛlebi ka lar Ijipt na b daŋ bɔla keshishɛrsawule so nna n ya fo Teku Peper na nseŋ shi ndoŋ n ta n ya fo kade nɛ baa tre Kadɛsh na.”