Nɔmbɛs 2:2 - EBƆRƐ BE KAWƆL

² “A daga Israɛlebi na ka feŋ n chena kanaŋ kanaŋ so ntuŋ so ŋ kulti nshɛr be wajɛbu na nɛ kanaŋ kikɛ e yuu bumo be tuta bumo be keeyi to.”

Nɔmbɛs 2:2 Iomraidhean Croise

Nshɛ 74:4

Fo doŋana daŋ yili bɔrɛlambu na to n ji njɔŋ nseŋ yuu bumo be etuta a ŋini fanɛ b kɔ m pɔɔ so nna.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 18:3

Esa kama nɛ e wɔ durnya ere to, e nu nfe! Tɔɔnɛ be tuta ko beeŋ baa wɔ abee be awɔlto nɛ men wu kumo nseŋ nu kabel be kushu!

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Zakareya 9:16

Kamɔnchɛ na Enyɛnpe Ebɔrɛ na e naŋ mɔlga mbe basa fanɛ kananɛ mbolpɔkpapo bee mɔlga mbe mbolpɔ ashi kenishipere to na. Baaŋ baa nyɛkpɛ mbe kasawule so fanɛ kuwurwuro so be amaŋkanibi na.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 10:14

Juda be yiri nɛ eyiri nɛ b chena m mata bumo na e daŋ ta bumo be etuuta n juŋkpar n lar. Aminadab pibinyɛn Naashɔn e daa la bumo be benapo be ejuŋkparpo.

Nɔmbɛs 10:18

Nɛ Ruben be yiri nɛ eyiri nɛ b chena m mata bumo na, ta bumo be etuuta m bɛ so a la katuŋ nyɔsopo a yɔ. Shedur pibinyɛn Elizur e daa la bumo be benapo be ejuŋkparpo.

Nɔmbɛs 10:22

Efreim be yiri nɛ eyiri nɛ b chena m mata bumo na malɛ e naaŋ baa la katuŋ sasopo ŋ keta bumo be etuuta m bɛ so. Amihuud pibinyɛn Elishama e daa la Efreim be yiri na to be benapo be ejuŋkparpo.

Nɔmbɛs 10:25

Dan be yiri nɛ eyiri nɛ a chena m mata bumo na e naaŋ baa la katuŋ lalalogesopo n ta bumo be etuuta a wɔ kaman a kuŋ. Amishadai pibinyɛn Ahieza e daa la Dan be yiri to be benapo be ejuŋkparpo.

Nɔmbɛs 2:1

Le nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn:

Nɔmbɛs 2:10

Kumo be kaman nɛ Ruben be kanaŋ to ebi nɛ Shedur pibinyɛn Elizur bee juŋkpar bumo be benapo ŋgboŋ adena nɛ ashe nɛ alfa anu na, e yuu bumo be tuta n chena nshɛr be wajɛbu na be kelargato be kaseto be kaba so.

Nɔmbɛs 2:3

Juda be kanaŋ to ebi nɛ bumo be ejuŋkparpo e la Aminadab pibinyɛn Naashɔn, nɛ e bee juŋkpar bumo be kanaŋ to be benapo ŋgboŋ adushunu nɛ ana nɛ alfa ashe na, beeŋ yuu bumo be tuta n chena Enyɛnpe be wajɛbu na be epeŋilarkpa be kaba so.

Nɔmbɛs 24:2

nseŋ wu Israɛlebi na ka wora bumo be nyi to n chena eyiri yiri be ntuŋ so. Ndoŋ nna nɛ Enyɛnpe Ebɔrɛ be kiyoyu gbelge mo so,

1 Kɔrintebi 14:33

Ŋkpal manɛ so, Ebɔrɛ maŋ la kebagato be Ebɔrɛ nna, kagbenewushi be Ebɔrɛ e la mo.

1 Kɔrintebi 14:40

Ama a daga fanɛ men baa wora kusɔ kama nɛnɛ ekpa niŋiso so.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

Joshuwa 3:4

Loŋ nɛ menyeeŋ pin ekpa na m bɔla so nɛnɛ, ŋkpal manɛ so, menyi maŋ naŋ bɔla ekpa ere ŋ ku so kikɛ. Ama men sa maa nite a taga Enyɛnpe Ebɔrɛ be ŋkre be deka na to. Men barga kumo fanɛ ayadra ŋgboŋ asa.”