Nɔmbɛs 2:10 - EBƆRƐ BE KAWƆL

^10-11 Kumo be kaman nɛ Ruben be kanaŋ to ebi nɛ Shedur pibinyɛn Elizur bee juŋkpar bumo be benapo ŋgboŋ adena nɛ ashe nɛ alfa anu na, e yuu bumo be tuta n chena nshɛr be wajɛbu na be kelargato be kaseto be kaba so.

Nɔmbɛs 2:10 Iomraidhean Croise

1 Kronikɛls 5:1

Ruben nɛ e la Jeekɔb pibinyɛn nimuso na daŋ paŋ mbe kuwurkoŋ be eyilikpa nna nɛ b ta kumo n sa Josɛf ŋkpal mo nɛ mo tuto be eche ko ka daŋ di keche nɛ kenyɛnso. Amoso bumo be kakurge to, b maa karga mo fanɛ wurkoŋ.

Nɔmbɛs 1:5

Eyiri na to be benimu nɛ b lara fanɛ b chɛ to n shuŋ loŋ be kushuŋ na nde: Shedur pibinyɛn Elizur shi Ruben be yiri to

Nɔmbɛs 10:18

Nɛ Ruben be yiri nɛ eyiri nɛ b chena m mata bumo na, ta bumo be etuuta m bɛ so a la katuŋ nyɔsopo a yɔ. Shedur pibinyɛn Elizur e daa la bumo be benapo be ejuŋkparpo.

Nɔmbɛs 10:6

B baŋ naŋ foŋ mbel na gbrɛbi kela nyɔsopo nseŋ yige, eyiri nɛ bumo alɛ chena kelargato be kaseto be kaba so na e naaŋ kaa m bɛ so. Amoso, mbel na be kefoŋ gbrɛbi nseŋ yige, bee ŋini nna fanɛ b kaa keeyi to na.