Nɔmbɛs 19:2 - EBƆRƐ BE KAWƆL

² fanɛ b ta mbra ere n sa Israɛlebi na fanɛ b bar kena peper nɛ b maŋ naŋ ta kumo n shuŋ kikɛ nɛ k maŋ kɔ ndulgi kumo so m ba sa Mosis nɛ Ɛɛrɔn,

Nɔmbɛs 19:2 Iomraidhean Croise

Ɛksodɔs 12:5

Laŋ kama to be kusɔbɔya e baa la kusɔbɔyanyɛnso nɛ k ji kafɛ koŋwule nsaa maa kɔ ndulgi kikɛ. Baaŋ tiŋ n lara kumo ashi mbolpɔ to ŋko mboe to.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Nfabel 1:14

Kewora fanɛ Enyɛnpe Ebɔrɛ na gama anyi be alubi kikɛ n chɛ n shiga anyi be abɔ so nna nɛ amo be egbɛ shin nɛ anyi be eleŋ kikɛ lar anyi to. E ta anyi m bɔɔ an doŋana nɛ b chɔ anyi eleŋ ga enɔ nna, nɛ anyi maŋ kɔ shɛŋ nɛ an wora bumo be anishito.

Levitikɔs 1:10

Nɛ fanɛ esa na bee lara kubolpɔ ŋko kaboe nna, a daga k baa la kenyɛnso nɛ k maŋ kɔ ndulgi kikɛ kumo be eyur so.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 14:6

Kede be kaman nɛ e ta kabuibi nyɔsopo na nɛ sida be kedibi na be keyabi nɛ kechɛbi peper chɛŋchɛŋ na nɛ hisɔp be afantaŋ na n nyɔ kabuibi nɛ b mɔ na be ŋklaŋ na to

Nɔmbɛs 19:1

Kumo be kaman nɛ Enyɛnpe Ebɔrɛ naŋ kaŋɛ Mosis nɛ Ɛɛrɔn

Nɔmbɛs 19:6

Nɛ bɔrɛmatapo na e ta kedibi nɛ baa tre sida na nɛ kumo nɛ baa tre hisɔp na nɛ jese peper n lɛ edɛ na to.

Nɔmbɛs 31:21

Ndoŋ nna nɛ bɔrɛmatapo Eliaza kaŋɛ benapo nɛ b shi kena to m ba na le: “Le be keŋini ere nɛ Enyɛnpe Ebɔrɛ ta n sa Mosis.

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Ditɛronɔmi 21:3

Nɛ kade kama nɛ k mata ndoŋ ga na be benimu e lara kena fɔlbi nɛ b maŋ naŋ ta n shuŋ ŋ ku so,

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

1 Samuɛl 6:7

Amoso men fin enache anyɔ nɛ b maŋ naŋ ta n dɔ ŋ ku so nɛ b kɔ anabi. Kumo be kaman nɛ men fin turko popɔr n chɛ ana na nseŋ chɛ anabi na malɛ m muni kuluu to.