Nɔmbɛs 18:3 - EBƆRƐ BE KAWƆL

³ Shin nɛ b baa shuŋ kushuŋ kama nɛ feeŋ sa bumo ashi wajɛbu na to, ama b sa maŋ kaŋ beta asɔ cheembi nɛ a wɔ Enyɛnpe be wajɛbu na to na nɛ bɔrɛsure na bre, nɛ mannɛ aloŋ, fo nɛ bumo kikɛ beeŋ wu.

Nɔmbɛs 18:3 Iomraidhean Croise

Ezikɛl 44:13

B maaŋ naŋ tiŋ n shuŋ ma fanɛ bɔrɛmatapoana ŋko n yɔ ma kusɔ cheembi kama ase ŋko n luri bɔrɛlambu na to be acheembiana to be kakpa cheembi na to. Ekishisheŋ nɛ b wora na be kasogberge nna na.

Nɔmbɛs 1:51

Saŋkama nɛ men baŋ chɛrga echenakpa, Livaiebi na e naaŋ baa bɔɔ Enyɛnpe be wajɛbu na. Bumo koŋwule na malɛ e naaŋ baa yuu kumo kaplɛkama nɛ men ya chena. Esa pɔtɛ kama malɛ nɛ e yili n taga Enyɛnpe be wajɛbu na to b mɔ mo.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 18:4

Bumo nawule e naaŋ baa tu menyi a shuŋ wajɛbu na to. A maŋ daga esa pɔtɛ ka wora loŋ.

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Nɔmbɛs 3:25

Bumo be kushuŋ e la kebaakeni Enyɛnpe be wajɛbu na gbagba so nɛ asɔ nɛ baa ta a yuu kumo nɛ amo nɛ baa ta a yuu a kulti kumo nɛ kumo be epatisa nɛ efɔlana nɛ asɔ kama nɛ a ti amo so na.

Nɔmbɛs 3:31

Bumo e naa keni ŋkre be deka nɛ k wɔ acheembiana to be kakpa cheembi na so, nɛ teebɔl na nɛ kefitilatɔl na nɛ ebɔrɛsureana na nɛ ntishaŋ nɛ bɔrɛmatapoana na bee ta a wora asheŋ ashi Enyɛnpe be wajɛbu na to nɛ patisa nɛ k wɔ acheembiana to be kakpa cheembi na be kabuna to na kikɛ so. Bumo e naa bela le be asɔ ere a yili mboŋ nseŋ naa bela amo ashi to.

Nɔmbɛs 3:36

Bumo e naaŋ baa keni wajɛbu na be ndibi yuuso nɛ amo be adeŋiso nɛ amo be atɔl nɛ amo be asɔ nɛ a ti amo so na kikɛ so. Bumo e daa wora wajɛbu na be keyu be kushuŋ kikɛ.

Nɔmbɛs 31:30

Israɛlebi malɛ be asɔ nɛ b nya na, dimɛdi ŋko kusɔbɔya, be kekama be adunu kikɛ to be kukoŋwule la Livaiebi nɛ baa keni Enyɛnpe Ebɔrɛ be wajɛbu na so na be kachige nna.”

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.