Nɔmbɛs 18:2 - EBƆRƐ BE KAWƆL

² Fo kurgepoana Livaiebi na e naaŋ baa chɛ fo nɛ fo mbinyɛnsobi to a shuŋ wajɛbu na to.

Nɔmbɛs 18:2 Iomraidhean Croise

Jɛnesis 29:34

Simiɔn be kaman nɛ Lia naŋ di kedampo ŋ kurge ebinyɛn nseŋ kaŋɛ: “To, naniere bre ŋ kul beeŋ firgi m mata ma ŋkpal ŋ ka kurge bibinyɛn asa n sa mo so.” Amoso ketre mo nɛ e daŋ sa kebia na e daa la Livai.

2 Kronikɛls 30:16

Kede be kaman nɛ b fara a shuŋ bumo be ashuŋ bɔrɛlambu to fanɛ kananɛ Ebɔrɛ be kenya Mosis be mbra yili n sa bumo na. Livaiebi na e ta asɔbɔya nɛ b ta n lara esarga na be ŋklaŋ n sa bɔrɛmatapoana na nɛ bumo alɛ ta amo ŋ ŋmenyaŋ bɔrɛsure na so.

Ezikɛl 44:11

B kraa beeŋ tiŋ a shuŋ bɔrɛlambu na to fanɛ basa nɛ baa keni mbunaana na so nseŋ naŋ tiŋ n chɛ basa na to m mɔ asɔbɔya nɛ b ta a lara esarga na.

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Malakai 2:4

Ndoŋ nɛ menyeeŋ pin fanɛ kenishipere be mmalga nɛ ŋ kɔ a sa menyi na, saŋɛ na so ma nɛ bɔrɛmatapoana nɛ b la Livai be kaman to ebi na be kɔnɔ naseso be ŋkre na maaŋ jija.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 17:7

Nɛ Mosis ta akpabi na kikɛ n nase Enyɛnpe Ebɔrɛ be ŋkre be deka na be anishito ashi wajɛbu na to.

Nɔmbɛs 18:4

Bumo nawule e naaŋ baa tu menyi a shuŋ wajɛbu na to. A maŋ daga esa pɔtɛ ka wora loŋ.

Nɔmbɛs 3:5

Ndoŋ nna nɛ Enyɛnpe Ebɔrɛ na kaŋɛ Mosis le:

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 8:19

Ma alɛ lara Livaiebi nna fanɛ kakɛ ashi Israɛlebi na to n sa Ɛɛrɔn nɛ mbe mbinyɛnsobi na nɛ b yili Israɛlebi na be katelamu to a shuŋ Enyɛnpe be wajɛbu na to saŋɛ na so Israɛlebi na maaŋ ba kumo ase nɛ aleblawu e ba bumo so.”

Nɔmbɛs 8:22

Ade kikɛ be kaman nɛ basa na wora kusɔ kama nɛ Enyɛnpe Ebɔrɛ kaŋɛ Mosis fanɛ e kaŋɛ bumo kenishipereso a yɔ Livaiebi na be kaplɛa so na. Nɛ Livaiebi na fara a chɛ Ɛɛrɔn nɛ mbe mbinyɛnsobi to a shuŋ Enyɛnpe be wajɛbu na to.

Hibruwebi 9:6

To, kananɛ asheŋ na daa du m bɛ abar so nna na nɛ bɔrɛmatapoana na daa luri a luri ebu juŋkparso na to n ya kaa shuŋ bumo be ashuŋana saŋkama nseŋ daa lar.