Nɔmbɛs 16:9 - EBƆRƐ BE KAWƆL

⁹ K maŋ bɔlɔ menyi Livaiebi, kenishi fanɛ Israɛl be Ebɔrɛ na ka lara menyi ashi Israɛlebi na kikɛ to fanɛ men ba kaa shuŋ mbe wajɛbu na to nsaa juŋkpar mbe basa nɛ b baa shuŋ mo a?

Nɔmbɛs 16:9 Iomraidhean Croise

Jɛnesis 30:15

Nɛ Lia bishi Reechel le: “Ama fo ka suge ŋ kul ŋ ka ma ere bre maŋ kukwe fo a? Nɛ fo naa sha kesɔ ma kebia be emandreek gba n ti so a?” Nɛ Reechel kaŋɛ mo: “To, kumo ere sa ma fo pibinyɛn be emandreek ere be ako nɛ n shin nɛ fo nɛ mo e di kanyɛ ere.”

2 Samuɛl 7:19

Ama naniere bre gba nɛ fo Enyɛnpetale Ebɔrɛ be kelela nɛ fee wora a sa ma kraa ti so. Fo nase kɔnɔ n sa ma kaman to ebi gba. Ama Enyɛnpetale Ebɔrɛ, le nɛ fee wora a sa basa kikɛ a?

2 Kronikɛls 35:3

Kusɔ nɛ e daŋ kaŋɛ Livaiebi nɛ b ta m bɔɔ Enyɛnpe Ebɔrɛ enɔ nɛ b la Israɛlebi be mbra ŋinipoana na nde: “Men maaŋ naa sulɔ Enyɛnpe Ebɔrɛ be ŋkre be deka cheembi na a nite a kilgi to, ŋkpal manɛ so k tea yil bɔrɛlambu nɛ ewura Sɔlɔmɔn nɛ e la ewura Deevid pibinyɛn na pɔr nɛ menyeeŋ baa shuŋ Enyɛnpe men be Ebɔrɛ na nɛ mbe basa Israɛlebi na to nna.

Nehemaya 12:44

Loŋ be kamɔnchɛ na b daŋ lara basa ko nna fanɛ b baa keni ebuana nɛ baa yili ajibi nɛ asɔ wurbi ashi bɔrɛlambu na to na so nna. Bumo alɛ e naaŋ baa sɔ adɔjibi nɛ b juŋkpar n teŋi na nɛ adɔjibi nɛ asɔbɔya be kudu kudusopo nɛ b lara m ba sa Ebɔrɛ na. Bumo koŋwule na e naaŋ baa sɔ adɔjibi nɛ Mosis be mbra bee ŋini fanɛ b baa bar m ba kaa sa bɔrɛmatapoana nɛ Livaiebi na gba.

Aizaaya 7:13

Nɛ Aizaaya malɛ kaŋɛ le: “Ewura Deevid be kamanebi, men kaŋ asoe n nu nfe. Menyee kaa wora edimɛdi a keni. Menyee sha kewora Ebɔrɛ gba nna ŋ keni a?

Ezikɛl 34:18

Menyi be beko ji ajibi lela nna ŋkukwe; nsaa chichi amo nɛ menyi maŋ ji so a wea shishɛr to! Menyeeŋ nuu nchu lela nna nseŋ gbar nchu nɛ menyi maaŋ nuu na to!

Ezikɛl 44:16

Zadɔk be kabuna ebi na nawule e naŋ tiŋ n luri bɔrɛlambu na to n shuŋ bɔrɛsure na ase nseŋ naŋ tiŋ n juŋkpar basa nɛ baa shuŋ ma na.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 16:13

Men ka lara anyi ashi Ijipt be kasawule nɛ ajibi damta nɛ kedamaya wɔ na m ba lɛ keshishɛrsawule ere so nɛ men mɔ ere bre maŋ kukwe a? Nɛ men naa sha nɛ men ta anyi ŋ ki menyi be nyɛrbi a tɔrɔ a?

Nɔmbɛs 16:8

Kede be kaman nɛ Mosis naŋ kaŋɛ Koora le: “Nu nfe!

Nɔmbɛs 3:6

“Lara Livai be yiri na nɛ b baa chɛ bɔrɛmatapo Ɛɛrɔn nɛ mbe mbia to a shuŋ kabɔrɛmata be kushuŋ.

Nɔmbɛs 3:9

Bumo koŋwule na malɛ e naaŋ baa chɛ Ɛɛrɔn nɛ mbe mbinyɛnsobi to a shuŋ nshɛr be wajɛbu na to.

Ashuŋ Shunso 13:2

Saŋko b ka bee bunyaŋ Enyɛnpe nsaa kishi nɛ Kiyoyu Cheeŋ na kaŋɛ bumo: “Men lara Baanabas nɛ Sɔɔl n sa ma nɛ b shuŋ kushuŋ nɛ n lara bumo fanɛ b ba shuŋ ere.”

1 Kɔrintebi 4:3

Ma ere kutɔ nɛ menyi ŋko durnya to be kɔɔti kama to ebi bee ji ma demu, k maŋ tir ma. Ma ere gbagba maa ji ma kumu demu.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

1 Samuɛl 18:23

B ka kaŋɛ Deevid loŋ nɛ mo alɛ kaŋɛ le: “K beeŋ ba la bunyaŋ gboŋgboŋi nna n sa ma fanɛ m ba la ewura mo shanyɛn ama mannɛ etirpo nɛ ebɔlpo be asheŋ nna na.”