Nɔmbɛs 16:3 - EBƆRƐ BE KAWƆL

³ Bumo kikɛ daŋ shɛr Mosis nɛ Ɛɛrɔn kutɔ nna ŋ kaŋɛ bumo le: “Manɛ nna nɛ menyee fɛ fanɛ men bɔ esa kikɛ ere? An kikɛ la Enyɛnpe Ebɔrɛ be basa cheembi nna.”

Nɔmbɛs 16:3 Iomraidhean Croise

Ɛzra 9:2

Juwebi be benyɛn nɛ bumo be bibinyɛnsobiana daa ta eyiri pɔtɛana be mbichesobi nna a kil nɛ loŋ nɛ Ebɔrɛ be basa maŋ naa du cheembi. Israɛlebi be benimuana na e daŋ sɔ kumo be kejuŋkpar.

Nshɛ 106:16

Bumo be ekama ashi bumo be keeyi to daa besa Mosis nɛ Ɛɛrɔn, nɛ b la Ebɔrɛ be nyɛrbi nɛ e lara n sa mbe kumu na eyur nna.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Ɛksodɔs 19:6

Menyi alɛ beeŋ baa la kanaŋ cheembi to ebi nɛ bɔrɛmatapoana nɛ b shi kuwurji be kanaŋ cheembi to.’ Kusɔ nɛ mee sha fanɛ fo kaŋɛ Israɛlebi nna na.”

Nɔmbɛs 14:14

baaŋ kaŋɛ basa nɛ b wɔ kasawule ere so kikɛ kumo be asheŋ. Bumo alɛ teŋ nu fanɛ fo Enyɛnpe Ebɔrɛ na wɔ anyi kutɔ nɛ anyi nɛ fo bee malga abar kutɔ, nɛ fo kuwɔlpa buu anyi so nsaa juŋkpar anyi kapaso nɛ fo edɛ be kabulpi malɛ bee juŋkpar anyi kanyɛso.

Nɔmbɛs 16:11

Fo baa malga a gbiti Ɛɛrɔn, kumo ere Enyɛnpe Ebɔrɛ na nɛ fo braana bee kini kenu n sa na.”

Nɔmbɛs 16:41

Kumo be ŋklade nɛ Israɛlebi kikɛ naŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “Men mɔ Enyɛnpe Ebɔrɛ be basa, ŋko!”

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Nɔmbɛs 35:34

Men sa maŋ kaŋ jija kasawule nɛ men wɔ so ere, ŋkpal manɛ so, ma e la Enyɛnpe Ebɔrɛ na. Ma alɛ wɔ menyi to nna.”

Nɔmbɛs 5:3

Men ju benyɛn nɛ beche kama nɛ b wora eyurpi daŋkare be ekpa so, saŋɛ na so b maaŋ jija keeyi mo nɛ ma nɛ menyi kikɛ wɔ kumo to na.”

Ashuŋ Shunso 7:39

Ama an nanaana daŋ kini kenu n sa Mosis nseŋ kplaŋ mo so nseŋ naa yɛlga kenaŋ bɛta n yɔ Ijipt be efuli so.

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.