Nɔmbɛs 15:9 - EBƆRƐ BE KAWƆL

⁹ kumo ere b ta ɔlif be ŋku kɔlba koŋwule m baga nyifu kurwa asa n lara ayu be sargajibi na,

Nɔmbɛs 15:9 Iomraidhean Croise

1 Kronikɛls 21:23

Nɛ Aruna kaŋɛ le: “Yiramu! Ta kumo n wora kusɔ kama nɛ kepar fo n sa Enyɛnpe Ebɔrɛ na. Ana gba nde! Feeŋ tiŋ n ta amo n lara sarga bɔrɛsure na so nseŋ ta ndibi nɛ b kɔ a bri ayu na malɛ m puga edɛ nseŋ ta ayu malɛ n lara ajibi be sarga. Amo kikɛ la feya nna.”

Nehemaya 10:33

Amansherbi na beeŋ chɛ to ŋ ka ebodobodo cheembi na nɛ karechɛ kikɛ be esarga chɔɔso nɛ ayu be esarga na nɛ esargagboŋ nɛ baa lara Kewushiachɛ nɛ Kufɔl Popɔr be Kachɛgboŋ nɛ nchɛgboŋ nɛ a ka na kikɛ be kukɔ. Amo alɛ beeŋ naŋ ka anyi be alubi be ketampaŋ be esarga nɛ kabɔrɛshuŋ be kukɔ kikɛ ashi bɔrɛlambu na to.

Ezikɛl 42:13

Ndoŋ nna nɛ kanyɛn na kaŋɛ ma le: “Nwu anyɔ ere kikɛ la mboŋ cheembi nna. Amo to nɛ bɔrɛmatapoana nɛ baa luri a yɔ Enyɛnpe Ebɔrɛ na be anishito na beeŋ baa chena a ji esargajibi cheembi na. Ebuana na ka du cheembi so, ndoŋ nɛ bɔrɛmatapoana na beeŋ baa ta ayu be esarga nɛ alubi be esarga nɛ kewora n jija be esarga cheembiana na a wɔtɔ.

Ezikɛl 46:11

Kejigboŋachɛ nɛ nchɛgboŋachɛ kikɛ, ayu cheenshigboŋ be bargato nɛ esa bee ta a ti gbolu ŋko kpakpa kikɛ so a lara sarga, nsaa ta kusɔ kama nɛ e bee sha a ti mbolpɔ fɔlbi na be kekama malɛ so a lara sarga. Amo be kaman nɛ e ta ɔlifs be ŋku galɔn koŋwule n ti ayu cheenshigboŋ be bargato na so m ba.

Ezikɛl 46:15

A daga fanɛ men baa ta mbolpɔ fɔlbi nɛ nyifu lela nɛ ɔlifs be ŋku a lara esarga a sa Enyɛnpe Ebɔrɛ na kachipurso kikɛ nna hale mbaanaayɔ.”

Ezikɛl 46:5

E beeŋ ta ayu cheenshigboŋ be bargato n ti kpakpa kama so nseŋ ta kusɔ kama nɛ e bee sha n ti mbolpɔ fɔlbi na be kekama so nna m ba. Mo alɛ beeŋ naŋ ta ɔlifs be ŋku galɔn koŋwule n ti ayu cheenshigboŋ be bargato na so nna m ba.

Ezikɛl 46:7

Ewura na beeŋ ta ayu cheenshigboŋ be bargato n ti gbolu nɛ kpakpa kama nɛ e lara na so nseŋ ta kusɔ kama nɛ e bee sha n ti mbolpɔ fɔlbi na be kekama malɛ so m ba. A daga fanɛ e ta ɔlifs be ŋku galɔn koŋwule n ti ayu cheenshigboŋ be bargato kama nɛ e beeŋ bar na so nna m ba.

Jowɛl 1:9

Kebɔltofinfin pɛ bɔrɛmatapoana nɛ b wɔ Enyɛnpe Ebɔrɛ be bɔrɛlambu to a shuŋ na gba ŋkpal kuyu baŋɛto nɛ kusɔ nuuso kikɛ ka maŋ naa wɔtɔ nɛ b ta n lara sarga n sa Enyɛnpe Ebɔrɛ na so.

Jowɛl 2:14

Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Levitikɔs 14:10

Kachɛ burwasopo na e beeŋ ta ekpakpafɔlbi anyɔ nɛ kubolpɔche nɛ k fo kafɛ koŋwule nsaa maŋ kɔ ndulgi kikɛ nɛ nyifu nɛ b ta ɔlif be ŋku m baga be kurwa koŋwule nɛ bargato nɛ ɔlif be ŋku kɔlba koŋwule nɛ bargato n ti so m ba bɔrɛmatapo na kutɔ.

Levitikɔs 6:14

Ayu be sargajibi be mbraana nɛ a wɔtɔ nde. Bɔrɛmatapoana na e daga b ta ayu be sargajibi m ba Enyɛnpe Ebɔrɛ na kutɔ ashi bɔrɛsure na be anishito.

Levitikɔs 7:37

Mbraana nɛ a dese a laŋɛ sarga chɔɔso nɛ ayu be sargajibi nɛ kulubi be sarga nɛ kewora n jija be sarga nɛ kelara n yili n sa Ebɔrɛ be sarga nɛ kɔnɔkoŋwule be sarga na nna na.

Nɔmbɛs 15:10

nseŋ ta yabra belbelso kɔlba anyɔ n ti so m ba lara asɔnuuso malɛ be sarga. Le be esarga ere be efɛa bee wora Enyɛnpe Ebɔrɛ ebel nna.

Nɔmbɛs 15:8

Nɛ b baŋ ta gbolu a lara sarga chɔɔso ŋko kɔnɔ be ketia be sarga ŋko kɔnɔkoŋwuleso be sarga,

Nɔmbɛs 28:12

B ta nyifu kurwa asa nɛ b ta ɔlif be ŋku m baga n ti gbolu kama so, nɛ nyifu kurwa anyɔ n ti kpakpa kama so,

Nɔmbɛs 28:14

B ta yabra kɔlba anyɔ n ti gbolu kama so, n ta yabra kɔlba koŋwule nɛ bargato n ti kpakpa kama so nseŋ ta yabra kɔlba koŋwule malɛ n ti nfɛ koko be ekpakpa na be kekama so n lara yabra be sarga. Kafɛ kikɛ be kufɔl kikɛ be kachɛ juŋkparso be sarga be mbra nna na.

Nɔmbɛs 29:6

Men lara amo n ti sarga chɔɔso nɛ menyee lara kufɔl kikɛ be kachɛ juŋkparso na nɛ karechɛ kama be esarga chɔɔso na nɛ amo be nyifu nɛ yabra be esarga nɛ amo be efɛa bee wora Enyɛnpe Ebɔrɛ ebel na so.

1 Samuɛl 1:24

Haana ka ku kebia na kenyipo, nɛ e ta mo n yɔ Shilo. E daŋ ta nfɛnsa be gbolu nɛ nyifu kilo kudu nɛ nsa belbelso deŋkeŋ be bɔlɔ n ti kebia na so nna m ba Enyɛnpe Ebɔrɛ be lambu to ashi Shilo.