Nɔmbɛs 15:4 - EBƆRƐ BE KAWƆL

^4-5 Ekama nɛ e ta kusɔbɔya nɛ e ba lara ayu be sargajibi n sa Enyɛnpe Ebɔrɛ na, e ta ɔlif be ŋku kɔlba be bɔlɔ m baga nyifu kurwa koŋwule n ta yabra belbelso kɔlba koŋwule n ti so n lara sarga na.

Nɔmbɛs 15:4 Iomraidhean Croise

Ɛzra 7:17

Ya ta amansherbi na be ako n tɔ egbolu nɛ ekpakpa nɛ mbolpɔ nseŋ ta ako malɛ n tɔ ajibi nɛ asɔnuuso n lara sarga bɔrɛsure nɛ k wɔ Ebɔrɛ be lambu nɛ k wɔ Jerusalɛm na so.

Ɛksodɔs 29:40

Men ta ɔlif be ŋku lela fanɛ lita koŋwule m baga bodobodo be nyifu lela fanɛ kilo koŋwule nseŋ ta wain fanɛ lita koŋwule nɛ a baa la asɔnuuso be sarga n ti sososo be kpakpafɔlbi na so n lara sarga na.

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Ezikɛl 46:14

Menyi alɛ kraa beeŋ bar nyifu lela fanɛ kurwa anu nɛ ɔlifs be ŋku kɔlba nɛ barga kachipurso kikɛ m ba lara ajibi be sarga. Kebaa lara le be esarga ere a sa Enyɛnpe Ebɔrɛ na be mbraana ere baa wɔtɔ nna a yɔ, a maa chɛrga kikɛ.

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 14:10

Kachɛ burwasopo na e beeŋ ta ekpakpafɔlbi anyɔ nɛ kubolpɔche nɛ k fo kafɛ koŋwule nsaa maŋ kɔ ndulgi kikɛ nɛ nyifu nɛ b ta ɔlif be ŋku m baga be kurwa koŋwule nɛ bargato nɛ ɔlif be ŋku kɔlba koŋwule nɛ bargato n ti so m ba bɔrɛmatapo na kutɔ.

Levitikɔs 2:1

Nɛ esa ta ayu nɛ e ba lara sarga n sa Enyɛnpe Ebɔrɛ na, a daga e kɔr amo nɛ a pe nɛnɛ. Kumo be kaman e ta ɔlif be ŋku m baga amo nseŋ ta duwu n ti so

Levitikɔs 2:15

Menyi alɛ beeŋ ta ɔlif be ŋku n wea amo to nseŋ ta duwu n ti so m ba, ŋkpal manɛ so, e la ayu be sargajibi nna.

Levitikɔs 23:13

Menyi alɛ beeŋ ta nyifu fanɛ kurwa anyɔ n wora ɔlif be ŋku m baga amo n lara ayu be sargajibi. Le be sarga ere be efɛa e naa par Enyɛnpe Ebɔrɛ na. Menyeeŋ naŋ ta yabra belbelso fanɛ ekɔlba anyɔ n ti so n lara sarga na.

Levitikɔs 3:7

Nɛ esa na lara kubolpɔ nna,

Levitikɔs 6:14

Ayu be sargajibi be mbraana nɛ a wɔtɔ nde. Bɔrɛmatapoana na e daga b ta ayu be sargajibi m ba Enyɛnpe Ebɔrɛ na kutɔ ashi bɔrɛsure na be anishito.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Nɔmbɛs 28:12

B ta nyifu kurwa asa nɛ b ta ɔlif be ŋku m baga n ti gbolu kama so, nɛ nyifu kurwa anyɔ n ti kpakpa kama so,

Nɔmbɛs 28:4

B ta kukoŋwule n lara sarga kachipurso nseŋ ta kenyɔsopo na malɛ n lara sarga kaaseso saŋɛ nɛ kakpa bee pɛ anishi na.

Nɔmbɛs 29:6

Men lara amo n ti sarga chɔɔso nɛ menyee lara kufɔl kikɛ be kachɛ juŋkparso na nɛ karechɛ kama be esarga chɔɔso na nɛ amo be nyifu nɛ yabra be esarga nɛ amo be efɛa bee wora Enyɛnpe Ebɔrɛ ebel na so.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

Demujipoana 9:9

Nɛ kakuluwudibi na kaŋɛ: “Ŋ kpal keji menyi be kuwura so n yige ma ŋku nɛ a bee sa agbir nɛ edimɛdi bunyaŋ na be kewora a? M maaŋ wora loŋ!”