Nɔmbɛs 15:3 - EBƆRƐ BE KAWƆL

³ B baa ta gbolu ŋko kpakpa ŋko kubolpɔche ŋko kaboe n lara sarga chɔɔso ŋko kɔnɔ be ketia be sarga ŋko keparso be sarga ŋko kabɔrɛshuŋ be nchɛgboŋ be sarga. Le be esarga ere be efɛa bee wora ma Enyɛnpe Ebɔrɛ na ebel nna.

Nɔmbɛs 15:3 Iomraidhean Croise

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Ɛzra 7:17

Ya ta amansherbi na be ako n tɔ egbolu nɛ ekpakpa nɛ mbolpɔ nseŋ ta ako malɛ n tɔ ajibi nɛ asɔnuuso n lara sarga bɔrɛsure nɛ k wɔ Ebɔrɛ be lambu nɛ k wɔ Jerusalɛm na so.

Nshɛ 54:6

Meeŋ ber kagbene n lara sarga n sa fo. Enyɛnpe Ebɔrɛ, meeŋ fur fo ketre, ŋkpal fo ka walɛ so.

Ɛksodɔs 29:18

n chɔɔ bɔrɛsure na so n lara sarga n sa ma. Loŋ be sarga chɔɔso na be efɛa bee par ma, Enyɛnpe Ebɔrɛ na nna.

Ɛksodɔs 29:25

Kumo be kaman nɛ men sɔ amo bumo kutɔ n chɔɔ bɔrɛsure na so ashi kakpa nɛ baa chɔɔ sarga chɔɔso na. Loŋ be sarga be efɛa bee par ma, Enyɛnpe Ebɔrɛ na nna.

Ɛksodɔs 29:41

Kumo be kaman nɛ men naŋ ta kpakpafɔlbi nyɔsopo na nɛ asɔ nɛ men daŋ ta n ti chipurso peya na so na gbagba chap n ti so n chɔɔ n lara sarga kaaseso n sa ma. Loŋ be sarga chɔɔso na be efɛa bee wora ma, Enyɛnpe Ebɔrɛ na ebel ga.

Levitikɔs 10:13

Men baa ji kumo kakpa cheembi, ŋkpal manɛ so, k la menyi nɛ men be mbinyɛnsobi be kachige nna ashi ayu be sargajibi nɛ baa lara a sa Enyɛnpe Ebɔrɛ na nna. Kusɔ nɛ Enyɛnpe Ebɔrɛ na yili n sa ma nna na.

Levitikɔs 27:2

e kaŋɛ Israɛlebi na le: “Nɛ b ta dimɛdi a tia kɔnɔ naseso a sa Enyɛnpe Ebɔrɛ na, le be amansherbi nɛ baaŋ tiŋ ŋ ka n sɔ esa na n yige.

Levitikɔs 7:16

Nɛ fanɛ sarga na la sarga nɛ esa lara a tia kɔnɔ nɛ e nase nna ŋko mbe keparso nɛ e lara kumo, a daga b we eblaŋ na kikɛ kachɛ nɛ e lara sarga na, ama baaŋ tiŋ n we kekama nɛ kare chɛ so na gba.

Nɔmbɛs 28:27

Men ta egbolu fɔlbi anyɔ nɛ a maŋ kɔ ndulgi nɛ kpakpa koŋwule nɛ k maŋ kɔ ndulgi nɛ nfɛ koko be ekpakpa ashunu nɛ a maŋ kɔ ndulgi m ba lara sarga chɔɔso nɛ amo be efɛa bee wora Enyɛnpe Ebɔrɛ ebel na n sa mo.

Nɔmbɛs 29:8

Men ta gbolu fɔlbi nɛ k maŋ kɔ ndulgi nɛ kpakpa nɛ k maŋ kɔ ndulgi nɛ nfɛ koko be ekpakpafɔlbi ashunu nɛ a maŋ kɔ ndulgi kikɛ m ba lara sarga nɛ kumo be efɛa wɔ ebel n sa Enyɛnpe Ebɔrɛ.

Nɔmbɛs 6:15

A daga fanɛ b ta bodobodo nɛ a maŋ kɔ yiisi nɛ b ta nyifu nɛ ɔlif be ŋku n wora na kelantaŋɛ be bɔlɔ nɛ ekrakashi nɛ amo alɛ gba maŋ kɔ yisi na nɛ ayu nɛ asɔnuuso n ti asɔbɔya na so n lara sarga na.

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

2 Kɔrintebi 2:15

Ŋkpal manɛ so, an du fanɛ Kristo be efɛa belbelso nna a sa Ebɔrɛ a wɔ basa nɛ baa nya kumɔlga nɛ bumo nɛ baa mur bumo be alubi to to.

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Ditɛronɔmi 12:6

Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.