Nɔmbɛs 14:2 - EBƆRƐ BE KAWƆL

² nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 14:2 Iomraidhean Croise

1 Bewura 19:4

Anebi Elaija be kachɛ lelemu nɛ e na kiyi to. Ndoŋ nna nɛ e ba tu kedibi ko n chena kumo be kifito nseŋ fɛ fanɛ e daŋ wu gba k bɔ mo so. Kumo be kaman nɛ e kule Ebɔrɛ ŋ kaŋɛ le: “Enyɛnpe, asheŋ ere bre chɔ ma so. Lara ma ŋkpa, ŋkpal manɛ so n chɛr a beeŋ wu nna!”

Job be kawɔl 3:11

Manɛ nna nɛ n daa maŋ laŋɛ kachɛ nɛ b kurge ma na bre?

Nshɛ 106:24

B daa maŋ yirda kɔnɔ nɛ Ebɔrɛ nase n sa bumo, fanɛ e beeŋ sa bumo bumo gbagba be kasawule na; amoso kasawule lela na be asheŋ daa maa tir bumo.

Nshɛ 106:25

B daŋ kini kewora Ebɔrɛ kasonu nna, nseŋ daa munto a bile asheŋ ashi bumo be ewajɛbu to.

Nshɛ 106:45

E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Ɛksodɔs 14:11

Kumo be kaman nɛ b kilgi m bishi Mosis le: “Nchaŋana ka maŋ wɔ Ijipt to bre so nɛ fo keta anyi m ba keshishɛrsawule ere so fanɛ an baa wu ere a? Manɛ so nɛ fo wora anyi loŋ n lara anyi ashi Ijipt to ere?

Ɛksodɔs 15:24

Nɛ basa na naŋ fara a fubel a kaŋɛ Mosis le: “To, nnɛ nɛ anyeeŋ nya nchu n nuu?”

Ɛksodɔs 17:3

Ama ŋkpal achukoŋ ka daa kɔ basa na ga so b baa bile asheŋ nna nsaa malga a gbiti Mosis a bishi mo: “Manɛ nna bre nɛ fo lara anyi ashi Ijipt m ba kaa shin nɛ fo ta achukoŋ m mɔ anyi nɛ an be mbia nɛ asɔbɔya kikɛ ere?”

Jona 4:3

Enyɛnpe Ebɔrɛ, shin nɛ n wu. Ŋ ka wu bɔ, ŋ ka kraa wɔ ŋkpa to.”

Jona 4:8

Epeŋi ka lar nɛ Ebɔrɛ shin nɛ afu tushiso be kebembeŋ shi epeŋilarkpa m ber m ba Jona so nɛ e bɛlɛ. Ndoŋ nna nɛ e kaŋɛ le: “Ŋ ka wu bɔ ŋ ka kraa wɔ ŋkpa to.”

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 11:15

Nɛ le bre nɛ fee sha kewora ma, kumo ere wu ma kuwɔr nseŋ mɔ ma nɛ n wushi.”

Nɔmbɛs 11:5

Ama an ka daa wɔ Ijipt na bre, an daa nya ekɔrɔtɔ kananɛ anyee sha nna a we jiga. Eŋampo nɛ asɔrso nɛ baa tre watamelɔŋ nɛ albasa be eyiri yiri kikɛ wɔ ndoŋ nna nɛ an daa ji anyi be kepar.

Nɔmbɛs 14:1

Israɛlebi na ka nu baru nɛ basa nɛ b ya dara Keenan be kasawule na bar na, nɛ b shu kagbenejijaso ga loŋ be kanyɛ na kikɛ

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Nɔmbɛs 16:13

Men ka lara anyi ashi Ijipt be kasawule nɛ ajibi damta nɛ kedamaya wɔ na m ba lɛ keshishɛrsawule ere so nɛ men mɔ ere bre maŋ kukwe a? Nɛ men naa sha nɛ men ta anyi ŋ ki menyi be nyɛrbi a tɔrɔ a?

Nɔmbɛs 16:41

Kumo be ŋklade nɛ Israɛlebi kikɛ naŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “Men mɔ Enyɛnpe Ebɔrɛ be basa, ŋko!”

Nɔmbɛs 17:6

Ndoŋ nna nɛ Mosis kaŋɛ Israɛlebi na kusɔ nɛ Enyɛnpe Ebɔrɛ kaŋɛ na, nɛ bumo be nnaŋ kuduanyɔ na be kekama sa mo bumo be ejuŋkparpo be kekpabi n ta Ɛɛrɔn peya n ti so.

Nɔmbɛs 20:2

Nchu daa maŋ wɔ kakpa nɛ b wora bumo be keeyi to na, amoso basa na daŋ ba kulti Mosis nɛ Ɛɛrɔn nna n wɔtɔ

Nɔmbɛs 20:3

nseŋ fubel m bile asheŋ m malga ŋ gbiti Mosis ŋ kaŋɛ le: “Anyi nɛ an braana Israɛlebi ere kikɛ daŋ wu Enyɛnpe Ebɔrɛ be wajɛbu ere ase gba, k daa bɔ.

Nɔmbɛs 20:4

Manɛ nna nɛ fo bar anyi nɛ an be asɔbɔya keshishɛrsawule ere so nɛ fo ba mɔ?

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

1 Kɔrintebi 10:10

Men sa maa bile asheŋ fanɛ kananɛ bumo be beko daŋ wora nɛ malaika mɔpo na daŋ mur bumo na.

Ditɛronɔmi 1:27

Men daa wɔ menyi be ewajɛbu to nna a munto a bile asheŋ a sa abar a kaŋɛ le: ‘Enyɛnpe Ebɔrɛ na kishi anyi nna nseŋ lara anyi Ijipt be efuli so m ba nɛ e ba sa Amɔriebi nɛ b mɔ anyi.

Ditɛronɔmi 9:23

Kumo be kaman na, Enyɛnpe Ebɔrɛ na daŋ naŋ kaŋɛ bumo ashi Kadɛsh Bania nna fanɛ b yɔ n ya kɔ n sɔ kasawule nɛ e bee ta a sa bumo na, ama ŋkpal b ka maŋ yirda mo so, b lar mo kaman nna nseŋ kini kewora mbe mbraana kasonu.

Hibruwebi 3:16

To, nɛ basa mo e koso a kɔ mbe eleŋ na? Mannɛ basa nɛ anebi Mosis daŋ juŋkpar n lar Ijipt be efuli so na e daa la a?

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.