Nɔmbɛs 11:1 - EBƆRƐ BE KAWƆL

¹ Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 11:1 Iomraidhean Croise

Jɛnesis 38:10

Kusɔ nɛ Onan daa wora na daa la kusɔ lubi nna Ebɔrɛ be anishito nɛ Ebɔrɛ shin nɛ mo alɛ gba wu.

2 Samuɛl 11:27

B ka wora keeli n loge, nɛ ewura Deevid shuŋi nɛ b ya keta mo m ba ewurkpa nɛ e ta mo ŋ ki mbe eche hale nɛ e kurge ebinyɛn n sa mo. Ama kusɔ nɛ Deevid wora na daa maŋ par Enyɛnpe Ebɔrɛ.

2 Bewura 1:12

Nɛ Elaija malɛ kaŋɛ le: “Nɛ n la Ebɔrɛ be esa kashenteŋ nna, kumo ere Ebɔrɛ e shin nɛ edɛ e shi esoso m ba chɔɔ fo nɛ fo basa ere kikɛ m mɔ!” Epul to nɛ edɛ shi esoso m ba chɔɔ benapo be enimu na nɛ mbe benapo na kikɛ m mɔ.

Job be kawɔl 1:16

Kabɔ na kraa malga nna nɛ enyɔsopo shile m ba kaŋɛ le: “Bɔrɛ nyɛkpɛ nna m ponte mbolpɔ na nɛ mbolpɔkpapoana na m mɔ. N nawule e nya n shile m ba nɛ m ba kaŋɛ fo kusɔ nɛ k wora.”

Nshɛ 106:18

Kumo be kaman nɛ edɛ suse n chɔɔ kumukpakpasowuraana nɛ b daa bɛ bumo so na kikɛ m mur.

Nshɛ 78:21

Enyɛnpe Ebɔrɛ na ka nu kusɔ nɛ b kaŋɛ na, nɛ e nya agbo ga nseŋ shin nɛ mbe edɛ suse so ashi mbe basa nɛ b la Jeekɔb be kaman to ebi to,

Nshɛ 78:63

Edɛ e daŋ mur bumo be mbrantiɛbia, nɛ bumo be besuŋgurbi maŋ nya benyɛn nɛ b kil.

Ɛksodɔs 16:7

Echefo chipurso menyeeŋ wu Enyɛnpe Ebɔrɛ na be kemaŋkura, ŋkpal manɛ so, e nu menyi be mmalga nɛ menyee malga a gbiti mo na kikɛ. Mo nɛ men daa malga ŋ gbiti na, mannɛ anyi.”

Ɛksodɔs 16:9

Kumo be kaman nɛ Mosis kaŋɛ Ɛɛrɔn: “Kaŋɛ Israɛlebi na kikɛ fanɛ b ba Enyɛnpe Ebɔrɛ na be anishito, ŋkpal manɛ so, e nu bumo be nfubel.”

Aizaaya 10:17

Ebɔrɛ cheembi nɛ e la Israɛl be kefulto na beeŋ kilgi fanɛ edɛ n shin nɛ fo suse so kachɛ koŋwule fanɛ kupuŋ wɔlso na.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Nfabel 3:39

Manɛ nna nɛ esa nɛ e kraa kɔ ŋkpa bee fubel a bele asheŋ jemanɛ nɛ e wɔ mbe alubi be kasogberge to?

Ezikɛl 20:36

Kananɛ n ji men tutoana demu Ijipt be efuli so be kiyi to nɛ b ji n tɔr nɛ ŋ gberge bumo kusoe na nɛ meeŋ ji menyi alɛ gba demu. Ma, Enyɛnpetale Ebɔrɛ e kaŋɛ na.

Levitikɔs 10:2

Epul to nɛ Enyɛnpe Ebɔrɛ na shin nɛ edɛ ba buu bumo so n chɔɔ bumo m mɔ.

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Habakuk 3:5

Fo e naa shuŋi kulɔ nɛ e bee juŋkpar, nsaa ponte luwu so nɛ k bee bɛ kumo so na.

Nɔmbɛs 10:33

Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.

Nɔmbɛs 11:18

Nɛ fo kaŋɛ basa na malɛ fanɛ b lara kulubi ashi bumo be ŋgbene to nseŋ ki cheembi m ba echefo m ba sɔ eblaŋ. Ŋkpal manɛ so, n nu b ka bee fubel a bile asheŋ fanɛ b maŋ nya eblaŋ nɛ b we, bumo alɛ ka daa wɔ Ijipt be efuli so na bɔ nfe. Naniere ma Enyɛnpe Ebɔrɛ na beeŋ sa menyi eblaŋ nɛ men we amo.

Nɔmbɛs 12:2

Le nɛ b daŋ kaŋɛ: “Mosis nawule so nɛ Enyɛnpe Ebɔrɛ bee bɔla a malga a? E maŋ bɔla anyi alɛ so m malga a?” B ka malga loŋ na nɛ Enyɛnpe Ebɔrɛ nu kusɔ nɛ b kaŋɛ na.

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Nɔmbɛs 14:27

“Saŋɛ mo gba nɛ basa lubi ere beeŋ yige kebaa fubel a bile asheŋ a malga a gbiti ma? Bumo be nfubel na wora kebaŋso!

Nɔmbɛs 14:28

Kaŋɛ bumo fanɛ meeŋ wora bumo kusɔ nɛ b kaŋɛ gbagba. Ma Enyɛnpe Ebɔrɛ na e malga na.

Nɔmbɛs 16:11

Fo baa malga a gbiti Ɛɛrɔn, kumo ere Enyɛnpe Ebɔrɛ na nɛ fo braana bee kini kenu n sa na.”

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Nɔmbɛs 17:5

Ekama nɛ n lara fanɛ bɔrɛmatapo na be kekpabi beeŋ gbu kenishi. Loŋ e naaŋ shin nɛ Israɛlebi ere e yige kebaa fubel a bile asheŋ a malga a gbiti fo.”

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

1 Kɔrintebi 10:10

Men sa maa bile asheŋ fanɛ kananɛ bumo be beko daŋ wora nɛ malaika mɔpo na daŋ mur bumo na.

Ditɛronɔmi 25:18

B daa maŋ ŋana Ebɔrɛ nseŋ daŋ kre kena m bɛ menyi so m ba kɔ menyi jemanɛ nɛ men daŋ gben a chul to na nseŋ mɔ menyi to be bumo nɛ b daŋ shir kaman na.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Ditɛronɔmi 9:22

Ade kikɛ be kaman, b daŋ naŋ shin nɛ Enyɛnpe menyi be Ebɔrɛ na nya agbo jemanɛ nɛ b daa wɔ mboŋ nɛ baa tre Tabera nɛ Massa nɛ Kibrɔf Hattava na nna.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.