Nɔmbɛs 10:2 - EBƆRƐ BE KAWƆL

² “Ta gbiti m bɛl mbel anyɔ nɛ baaŋ baa foŋ a tre basa na a shɛr abar so ŋko a shin nɛ b baa kaa keeyi to.

Nɔmbɛs 10:2 Iomraidhean Croise

2 Bewura 12:13

B daa maŋ ta amansherbi na be akama n wora gbiti be asɔ nuu nchu nɛ ntishaŋ jito nɛ mbel nɛ kefitilatɔl be asɔ nɛ baa ta amo be achɛbi a fɛga to na nɛ kusɔ kama nɛ baa ta gbiti ŋko shuwa a lɔŋɛ.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Nshɛ 89:15

O Enyɛnpe Ebɔrɛ, kagbenefuli la bekama nɛ baa bugi ŋgbene to a bunyaŋ fo nsaa wɔ fo kefultogboŋ na to na peya nna.

Ɛksodɔs 25:18

Shin nɛ b ta shuwa m bɛl asɔ anyɔ ko nɛ a du fanɛ emalaika nɛ baa tre chɛrubim na n yuu deka na be buuso na so.

Ɛksodɔs 25:31

“Shin nɛ b ta shuwa gbagba m bɛl kefitilatɔl, nɛ kumo be ayabi nɛ a kɔ asɔ ko fanɛ atoto be alambu na nɛ amo kikɛ e baa la kukoŋwule.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Jɛremaya 4:5

Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Nɔmbɛs 10:1

Nɛ Enyɛnpe Ebɔrɛ kaŋɛ Mosis le:

Nɔmbɛs 10:7

Ama nɛ fee sha basa na kikɛ ka shɛr abar so malɛ nna, kumo ere k daga fanɛ b foŋ mbel anyɔ na n chɛr.

Ɛfesesebi 4:5

Enyɛnpe koŋwule nɛ yirda koŋwule nɛ kabɔrɛbɛr koŋwule e wɔtɔ.