Nɔmbɛs 10:1 - EBƆRƐ BE KAWƆL

¹ Nɛ Enyɛnpe Ebɔrɛ kaŋɛ Mosis le:

Nɔmbɛs 10:1 Iomraidhean Croise

Jɛnesis 42:13

Ndoŋ nna nɛ b kaŋɛ mo: “Anyi, fo anya daa la enyɛn koŋwule be bibinyɛn kuduanyɔ nna. Ekoŋwule maŋ naa wɔtɔ nɛ kaluge na malɛ wɔ an tuto kutɔ.”

Jɛnesis 46:15

To, bibinyɛn nɛ Lia daŋ kurge n sa Jeekɔb ashi Mɛsopoteemia nna na. Daina nawule e daa la mo pibi cheso ndoŋ. Ama Jeekɔb be bibinyɛn nɛ bibiche kikɛ daa wɔ mbia adesa nɛ asa.

2 Samuɛl 6:15

Ndoŋ nna nɛ mo nɛ Israɛlebi na kikɛ ta ŋkre be deka na, a foŋ mbel a cha awɔr kagbenefuliso a yɔ Jerusalɛm.

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Kronikɛls 23:13

E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Kronikɛls 7:6

Israɛlebi na kikɛ daŋ niŋi to a yil nna. Bɔrɛmatapoana na daa yil kakpa nɛ b sa bumo na nna. Nɛ Livaiebi na malɛ yili ŋ kilgi anishito n shoŋi bumo nsaa laŋ alaŋsɔ nɛ ewura Deevid sa bumo na a maŋkura Enyɛnpe Ebɔrɛ a boŋ nshɛ a kaŋɛ: “Mbe kasha wɔtɔ nna mbaanaayɔ!” Bɔrɛmatapoana na malɛ daa foŋ mbel nna.

Ɛzra 3:10

Bepɔrpo na ka baŋ tɔl Enyɛnpe Ebɔrɛ be lambu na be gbaltɔlase na n loge, nɛ bɔrɛmatapoana ta bumo be epiŋi m buu nseŋ ta mbel nɛ Asaf be mbinyɛnso nɛ b la Livaiebi na malɛ ta edawuro, nɛ bekama yili bumo be eyilikpa nseŋ fara a boŋ nshɛ a kpaŋ Ebɔrɛ. Ŋkpal manɛ so, ketande nɛ ewura Deevid nase n sa bumo nna na.

Nshɛ 47:5

Kagbenefuli be awɔr be kecha, nɛ mbel be kefoŋ be awɔr to nɛ Ebɔrɛ bɔla so n dii n yɔ mbe kuwurputi so ashi bɔrɛlambu na to.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Nshɛ 98:6

Men foŋ mbel m boŋ nshɛ n ji eyur kagbenefuliso; ŋkpal manɛ so, Enyɛnpe anyi be Ebɔrɛ na e la ewura!

Nɔmbɛs 1:52

Israɛlebi nɛ b ka na malɛ e chena ntuŋ ntuŋ so n ta bumo gbagba be etuuta n dulgi bumo be echenakpa.

Nɔmbɛs 10:2

“Ta gbiti m bɛl mbel anyɔ nɛ baaŋ baa foŋ a tre basa na a shɛr abar so ŋko a shin nɛ b baa kaa keeyi to.

Nɔmbɛs 29:1

“Kufɔl shunusopo to be kachɛ juŋkparso na, ekama e sa maŋ shuŋ kushuŋ kikɛ. Men shɛr n foŋ mbel m bunyaŋ Enyɛnpe Ebɔrɛ kumo be kamɔnchɛ.

Nɔmbɛs 7:2

Ndoŋ nna nɛ Israɛl be yiri kuduanyɔ na be mbuna mbuna be bejuŋkparpoana nɛ b daŋ chɛ to ŋ karga basa na,

Nɔmbɛs 9:23

Kaplɛkama malɛ nɛ Enyɛnpe Ebɔrɛ baŋ ŋini Mosis fanɛ b yɔ, ndoŋ nɛ baa yɔ.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Joshuwa 6:4

Men ta ŋkre be deka na nseŋ shin nɛ bɔrɛmatapoana na be basa ashunu e ta kpakpa be alambɛ be mbel juŋkpar kumo saŋɛ nɛ menyee kulti kade na. Kachɛ shunusopo na nɛ men kikɛ e nite ŋ kulti kade na ale ashunu nɛ bɔrɛmatapoana na malɛ e baa foŋ bumo be mbel na.

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.

Demujipoana 7:20

Nɛ ntuŋ anyɔ nɛ a ka na ebi malɛ gba foŋ bumo be mbel nseŋ bure bumo be mpuya. Nɛ bumo kikɛ keta bumo be mbulpi enɔ bena to nseŋ keta mbel na malɛ enɔ jisa to nseŋ ponte awɔrso ŋ kaŋɛ: “Ta fo tokobi ŋ kɔ n sa Enyɛnpe Ebɔrɛ na nɛ Gidiɔn!”