Nɔmbɛs 1:53 - EBƆRƐ BE KAWƆL

⁵³ Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 1:53 Iomraidhean Croise

1 Kronikɛls 23:32

Saŋko bumo e daa keni Enyɛnpe Ebɔrɛ be wajɛbu na so, ama naniere bre bumo e naa keni bɔrɛlambu na so nsaa chɛ Ɛɛrɔn be kanaŋ nɛ b shi kebɔrɛmata be kanaŋ na to na to a shuŋ Ebɔrɛ be bɔrɛlambu na to.

2 Kronikɛls 13:10

“Ama anyi ere kraa shuŋ Enyɛnpe nɛ e la anyi be Ebɔrɛ na nna. Anyi alɛ maaŋ kini mo kikɛ. Ɛɛrɔn be kaman to ebi e kraa shuŋ kabɔrɛmata be kushuŋ na nɛ Livaiebi na malɛ bee chɛ bumo to.

2 Kronikɛls 13:11

Kachipurso nɛ kaaseso kikɛ, baa chɔɔ duwu nɛ asɔbɔya be kechɔɔ m mur be esarga nna a sa Enyɛnpe Ebɔrɛ. Baa ta bodobodo be sarga na nna a deŋi teebɔl nɛ k du cheembi na so daŋkare be ekpa so nsaa chɔɔ efitila nɛ a yil shuwa be kefitilatɔl na malɛ so kaaseso kikɛ. Anyi ere bee bɛ Enyɛnpe Ebɔrɛ be mbra na so nna, ama menyi ere kini mo.

Jɛremaya 23:15

Amoso, kusɔ nɛ ma, Enyɛnpetale Ebɔrɛ na bee kaŋɛ anebiana nɛ b wɔ Jerusalɛm to na e la fanɛ, meeŋ sa bumo ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu, ŋkpal b ka shin nɛ ekama maa ŋana Ebɔrɛ ashi kasawule be kaplɛkama so so.”

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Levitikɔs 10:6

Kede be kaman nɛ Mosis kaŋɛ Ɛɛrɔn nɛ mbe mbinyɛnsobi, Eliazaa nɛ Itama: “Men sa maŋ kaŋ jija menyi be anishiakpa ŋko ŋ kpɛa menyi be asɔbuuso to a ŋini fanɛ menyee shu keeli nna. Men baŋ wora loŋ menyeeŋ wu. Enyɛnpe Ebɔrɛ na malɛ beeŋ nya agbo n wora kade na kikɛ. Ama men kurgepoana Israɛlebi na bre beeŋ tiŋ n shu ŋkpal bumo nɛ Enyɛnpe Ebɔrɛ na shin nɛ edɛ chɔɔ m mɔ na so.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:54

Israɛlebi na daŋ wora kusɔ kama nɛ Enyɛnpe Ebɔrɛ daŋ kaŋɛ Mosis na nna.

Nɔmbɛs 16:46

nɛ Mosis kaŋɛ Ɛɛrɔn le: “Ya chɔɔ bɔrɛsure na so be edɛ n wɔtɔ fo kedɛtɔl to nseŋ ta duwu n wɔtɔ amo to n wora manaŋ n yɔ basa na kutɔ n ya lara alubi be ketampaŋ be sarga n sa bumo. Ŋkpal manɛ so Enyɛnpe Ebɔrɛ na nya agbo nɛ aleblawu fara.”

Nɔmbɛs 16:9

K maŋ bɔlɔ menyi Livaiebi, kenishi fanɛ Israɛl be Ebɔrɛ na ka lara menyi ashi Israɛlebi na kikɛ to fanɛ men ba kaa shuŋ mbe wajɛbu na to nsaa juŋkpar mbe basa nɛ b baa shuŋ mo a?

Nɔmbɛs 17:7

Nɛ Mosis ta akpabi na kikɛ n nase Enyɛnpe Ebɔrɛ be ŋkre be deka na be anishito ashi wajɛbu na to.

Nɔmbɛs 2:17

Kumo be kaman nɛ Livaiebi na malɛ e sulɔ nshɛr be wajɛbu na nseŋ keta bumo be tuta m bɛ nnaŋ nɛ Ruben bee juŋkpar na so fanɛ kananɛ b chena kebɛso kebɛso na.

Nɔmbɛs 3:23

Gɛshɔn be kabuna ebi na beeŋ wora bumo be echenakpa ashi nshɛr be wajɛbu na be epeŋitɔrkpa be kaba so na

Nɔmbɛs 3:29

Kohaf be kabuna ebi na beeŋ wora bumo be echenakpa ashi wajɛbu na be kelargato be kaseto be kaba so.

Nɔmbɛs 3:35

Mɛrari be kabuna ebi na beeŋ wora bumo be echenakpa ashi wajɛbu na be kelargato be esoso be kaba so nɛ Abihail pibinyɛn Zuriɛl e baa la kabuna na be enimu.

Nɔmbɛs 3:38

Mosis nɛ Ɛɛrɔn nɛ Ɛɛrɔn be mbia beeŋ wora bumo be echenakpa ashi wajɛbu na be anishito a laŋɛ epeŋilarkpa be kaba so. Bumo e naaŋ baa juŋkpar Israɛlebi na nɛ b baa bunyaŋ Enyɛnpe Ebɔrɛ. Esa pɔtɛ kama malɛ nɛ e pɛl n sɔ Mosis ŋko Ɛɛrɔn be kushuŋ a shuŋ, b mɔ mo.

Nɔmbɛs 31:30

Israɛlebi malɛ be asɔ nɛ b nya na, dimɛdi ŋko kusɔbɔya, be kekama be adunu kikɛ to be kukoŋwule la Livaiebi nɛ baa keni Enyɛnpe Ebɔrɛ be wajɛbu na so na be kachige nna.”

Nɔmbɛs 31:47

Bumo be kachige na to, Mosis daŋ lara edimɛdi nɛ asɔbɔya na to be adunu kikɛ to be kukoŋwule nna n sa Livaiebi nɛ baa keni Enyɛnpe Ebɔrɛ be wajɛbu na so na fanɛ kananɛ Enyɛnpe Ebɔrɛ kaŋɛ mo na gbagba chap.

Nɔmbɛs 8:19

Ma alɛ lara Livaiebi nna fanɛ kakɛ ashi Israɛlebi na to n sa Ɛɛrɔn nɛ mbe mbinyɛnsobi na nɛ b yili Israɛlebi na be katelamu to a shuŋ Enyɛnpe be wajɛbu na to saŋɛ na so Israɛlebi na maaŋ ba kumo ase nɛ aleblawu e ba bumo so.”

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

1 Samuɛl 6:19

Enyɛnpe Ebɔrɛ daŋ mɔ Bɛf Shimɛsh be benyɛn adushunu kikɛ nna ŋkpal b ka jule ŋ keni ŋkre be deka na to so. Nɛ basa na shu keeli ga ŋkpal basa damta nɛ Enyɛnpe Ebɔrɛ mɔ na so.