Nɔmbɛs 1:4 - EBƆRƐ BE KAWƆL

⁴ Men shin nɛ yiri kikɛ to be enimu koŋwule e chɛ menyi to.”

Nɔmbɛs 1:4 Iomraidhean Croise

1 Bewura 8:1

B ka pɔr bɔrɛlambu na n loge be kaman nɛ Ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana be benimuana kikɛ fanɛ b ba shɛr Jerusalɛm n ta Enyɛnpe Ebɔrɛ be ŋkre be deka na ashi Zayɔn nɛ k la Deevid be kade to na n yɔ bɔrɛlambu na to.

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Ɛksodɔs 18:25

Kumo be kaman nɛ Mosis lara benyɛn nɛ baaŋ tiŋ n shuŋ kushuŋ na ashi Israɛlebi na kikɛ to nseŋ shin nɛ b ki basa kagboŋ kagboŋ nɛ basa kalfa kalfa nɛ basa adununu nɛ basa kudu kudu be bekenipoana.

Nɔmbɛs 1:16

Le be basa ere nɛ bumo gbagba be basa lara fanɛ bumo be eyiri to be benimu ashi Israɛl be efuli so.

Nɔmbɛs 17:3

Sibɛ Ɛɛrɔn be ketre n deŋi Livai be kanaŋ be kekpabi so, ŋkpal manɛ so, kanaŋ kama be ejuŋkparpo daga kekpabi koŋwule nna.

Nɔmbɛs 25:14

Israɛl b esa nɛ b daŋ mɔ mo nɛ Midianche na be ketre e daa la Zimri nɛ mo tuto la Saalu nɛ e daa la Simiɔn be yiri na to be enimu na.

Nɔmbɛs 25:4

nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

Nɔmbɛs 30:1

Le be keŋini ere nɛ Mosis daŋ ta n sa Israɛl be eyiri na be bejuŋkparpoana.

Nɔmbɛs 4:34

Ndoŋ nna nɛ Mosis nɛ Ɛɛrɔn nɛ Israɛl be benimuana na karga Kohafebi na mbuna mbuna nɛ kanaŋ kanaŋ so fanɛ kananɛ Enyɛnpe Ebɔrɛ kaŋɛ Mosis na.

Nɔmbɛs 7:2

Ndoŋ nna nɛ Israɛl be yiri kuduanyɔ na be mbuna mbuna be bejuŋkparpoana nɛ b daŋ chɛ to ŋ karga basa na,

Ditɛronɔmi 1:15

Ndoŋ nna nɛ n shin nɛ basa nɛ men lara eyiriana na to nɛ b nyi asheŋ nsaa kɔ kenyi nɛ kepinto nɛnɛ na ki menyi be bejuŋkparpo. Beko daa keni basa kagboŋ so, nɛ beko daa keni basa kalfa so, nɛ beko bee keni basa adunu so nɛ beko malɛ bee keni basa kudu so.

Joshuwa 22:14

Bejuŋkparpo kudu nɛ b la Israɛlebi nɛ b wɔ Jɔɔdan be lɔr na be epeŋitɔrkpa be kaba so be eyiri yiri to na be basa koko e daŋ tu Finihas n yɔ.