Nshɛ 99:1 - EBƆRƐ BE KAWƆL

¹ Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Nshɛ 99:1 Iomraidhean Croise

2 Samuɛl 6:2

nseŋ juŋkpar bumo n yɔ Baala nɛ k wɔ Juda be efuli so na, nɛ b ya ta Enyɛnpe be ŋkre be deka nɛ mbe ketre Enyɛnpetale na deŋ kumo so ashi emalaika anyɔ na be nferinto na.

1 Kronikɛls 16:30

Esa kama nɛ e wɔ durnya ere to beeŋ chicha ashi mbe anishito! Durnya na yil kiŋkiŋ nna nsaa maa gbuŋgbuŋ.

Nshɛ 18:10

Nɛ e dii n chena asɔ firgiso nɛ baa tre chɛrubim na so n firgi afu to a ba.

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Nshɛ 80:2

lara fo kumu ŋ ŋini Efrayim nɛ Bɛnjamin nɛ Manase be eyiri to ebi. Ŋini fo eleŋ nseŋ ba mɔlga anyi!

Nshɛ 82:5

Menyi be ekama maŋ nyi shɛŋ ŋko a pin asheŋ to! Tentembiri to nɛ men wɔ a nite a kulti; saŋɛ so nɛ durnya kikɛ be gbaltɔlase bee gbuŋgbuŋ.

Nshɛ 93:1

Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo.

Nshɛ 96:10

Men kaŋɛ efuliana na so ebi le: “Enyɛnpe Ebɔrɛ na e la Ewura! Mo e tɔl durnya na n yili dindiŋ nɛ k maa fifir; mo alɛ e naaŋ ji basa kikɛ demu nɛ e maŋ puni eko.”

Nshɛ 96:9

Men baa yili Enyɛnpe Ebɔrɛ na be kela nɛ kecheembiya so a bunyaŋ. Durnya to ebi kikɛ e ta kechicha chicha m ba mbe anishito.

Nshɛ 97:1

Enyɛnpe Ebɔrɛ na e la Ewura! Shin nɛ durnya kikɛ e ji eyur nɛ mplasawule kikɛ e wora awɔr.

Nshɛ 97:4

Mo e naa shin nɛ bɔrɛ bee nyɛkpɛ nɛ durnya bee fulto, nɛ kasawule so ebi bee wu kumo a chicha.

Ɛksodɔs 25:22

Ndoŋ nɛ ma nɛ menyi beeŋ baa shɛr nɛ m baa bɔla chɛrubim anyɔ na be nferinto ashi buuso na so a ta ma mbra nɛ ma mmalga a sa fo nɛ fo alɛ e baa ta amo a sa Israɛlebi na.

Aizaaya 19:14

Enyɛnpe Ebɔrɛ na e shin nɛ b sa kasotoji nɛ k wul Ijiptebi na to nɛ baa wora kusɔ kama a foe ekpa nsaa nite a jante fanɛ esa kaa nuu nsa m boo na.

Jɛremaya 4:24

Kumo be kaman nɛ ŋ keni n wu abeegboŋ ka bee gbuŋgbuŋ to, nɛ abeebi malɛ bee laŋte a yɔ a ba.

Jɛremaya 49:21

Jemanɛ nɛ Edɔm beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ bumo be basa be kushu be awɔr e ya fo Teku Peper na ase.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jɛremaya 50:46

Jemanɛ nɛ Babilɔn beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ efuli pɔtɛana so be basa e nu egbri na.”

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Luuk 19:12

Ndoŋ nna nɛ e kpal loŋ so ŋ kaŋɛ bumo: “Ebunyamponyɛn ko e daŋ lar mo pe n yɔ efuli wɔfɔ ko so nɛ e ya ji kuwura nseŋ bɛta m ba.

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Kelaraŋŋini 11:17

a kaŋɛ le: “Enyɛnpetale Ebɔrɛ mo nɛ e daa wɔtɔ nseŋ kraa wɔtɔ na, anyee chɔrɔ fo ga fanɛ fo ta fo eleŋgboŋ na n shuŋ nseŋ fara nɛ fo ji kuwura naniere.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 6:14

Ndoŋ nna nɛ awɔlpa na fara a foe ma anishito fanɛ b ka bee bɔɔ kelaŋ to na, nɛ kebee kikɛ nɛ kepla kikɛ tia ashi amo be eyilikpaana.