Nshɛ 83:4 - EBƆRƐ BE KAWƆL

⁴ B yɛ: “Men ba nɛ an ya mur bumo be efuli na, nɛ esa maaŋ naa nyiŋi Israɛl be asheŋ hale mbaanaayɔ.”

Nshɛ 83:4 Iomraidhean Croise

Nehemaya 4:2

Le nɛ e kaŋɛ mo braana nɛ Samɛria be benapo be anishito: “Manɛ nɛ Juwebi, basa pɔso be katuŋ ere bee fɛ fanɛ baa wora ere? Baa sha keta kachɛ koŋwule nna n lɔŋɛ egbal na m pɔr nseŋ lara esarga loŋ be kachɛ koŋwule na gbagba a? Baa fɛ fanɛ baaŋ tiŋ n ta ajembu nɛ a chɔɔ m biti abar so ere n lɔŋɛ kusɔ ko a?”

Nshɛ 74:8

Le nɛ an doŋana na daŋ kaŋɛ ashi bumo be ŋgbene to: “Anyeeŋ mur bumo cheche!” B daŋ chɔɔ kaplɛkama nɛ basa bee bunyaŋ Ebɔrɛ na ashi kasawule na kikɛ so nna m mur cheche.

Ɛksodɔs 1:10

Amoso men shin nɛ an bɔla kanyiasheŋ be ekpa so n wora kusɔ ko ŋ kuŋ anyi be amu. Mannɛ aloŋ, baaŋ baa kraa wora keshi a ti so, nɛ k ya ba fanɛ kena koso anyi nɛ basa ko so, baaŋ chɛ an doŋana na to ŋ kɔ anyi nseŋ shile anyi be efuli ere so kuraa.”

Aŋasa 1:12

n shin nɛ bumo nɛ b kɔ eleŋ nɛ alenfia na e ki bubuni n luri nchaŋ to.

Jɛremaya 11:19

N daa du fanɛ kpakpafɔlbi nɛ e du boeŋ nɛ b kɔ a yɔ nɛ b ya mɔ nna. N daa maŋ nyi fanɛ ma so nɛ b daa kre asheŋ lubi na. Le nɛ b daa kaŋɛ a laŋɛ ma kaplɛa so: “Men shin nɛ an mɔ mo nseŋ lara mo ashi basa keniso to, saŋɛ na so esa kikɛ maaŋ naa nyiŋi mbe asheŋ.”

Jɛremaya 31:36

Kananɛ e baŋ yili asheŋ, nɛ e bee wora mbaanaayɔ na, a loŋ nɛ Israɛl beeŋ baa la efuli kumo be kumu so mbaanaayɔ.

Jɛremaya 48:2

Mowabebi, esa kikɛ maaŋ naaŋ maŋkura menyi. Bedoŋ bee kre keku menyi be ŋkpa so ashi men be kadegboŋ nɛ baa tre Hɛshbɔn na to. Kusɔ nɛ ma tokobi beeŋ wora e la keshin nɛ kakpa a wora shruum ashi kade nɛ baa tre Madmen na.

Ezikɛl 38:10

Kusɔ nɛ Enyɛnpetale Ebɔrɛ na bee kaŋɛ Gɔg nde: “Jemanɛ na kaŋ fo, feeŋ fara a fɛ ŋkre lubi.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Ashuŋ Shunso 4:17

Ama kananɛ anyeeŋ wora nɛ kesheŋ ere e sa maŋ naŋ sɔ kakpa n ti so e la, an ka beeŋ fiɛ bumo so fanɛ b sa maŋ naŋ ta Yesu be ketre m malga asheŋ n sa esa kikɛ.”

Joshuwa 9:2

B daŋ ba abar so kɔnɔkoŋwuleso nna nɛ b ba kɔ Joshuwa nɛ Israɛlebi na kikɛ kena.