Nshɛ 82:3 - EBƆRƐ BE KAWƆL

³ Men baa ji asheŋ nɛ amo be ekpa so a sa bepɔshipo nɛ amunibi nɛ betentaŋasepo nɛ basa nɛ b maŋ kɔ echɛtopo kikɛ na.

Nshɛ 82:3 Iomraidhean Croise

Job be kawɔl 29:12

Jemanɛ kikɛ nɛ betirpo ŋko amunibi bee sha kechɛto, mee chɛ bumo to nna.

Job be kawɔl 31:21

Nɛ fanɛ n daŋ puni kumunibi ko, ŋkpal ŋ ka nyi fanɛ meeŋ tiŋ n ji m bri mo demujikpa so,

Nshɛ 10:18

Fo e naa kuŋ amunibi nɛ basa nɛ baa mɛaŋ na; saŋɛ na so, dimɛdi nɛ e la shishɛr na maaŋ naa tɔrɔ mo braana n shin nɛ kufu e baa pɛ bumo ga.

Ɛksodɔs 23:3

Men sa maa ji a chɛ esa to ŋkpal e ka la etirpo so.

Ɛksodɔs 23:6

Men sa maa mɔn betirpo kashenteŋ ashi demujikpa ŋkpal b ka la betirpo so.

Aŋasa 31:9

Baa ji demu nɛ kumo be ekpa so a sa betirpo nɛ bumo nɛ b maŋ la shɛŋ na.

Aizaaya 1:17

nseŋ koya kebaawora kusɔ nɛ k daga. Men shin nɛ keji asheŋ nɛ amo be ekpa so e baa wɔ menyi to. Kumo e la fanɛ, men baa chɛ bumo nɛ baa mɛaŋ to nsaa sa bemunibi asɔ nɛ a daga bumo nsaa ji bekulpoche be asheŋ ashi demujikpa nɛnɛ a sa bumo.”

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Jɛremaya 22:3

E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Jɛremaya 5:28

nseŋ naa ji a daŋ apurfu na. Bumo be asheŋ lubi maŋ kɔ ekar. B maa sa amunibi asɔ nɛ e daga bumo ŋko a ji a chɛ betirpo nɛ b kɔ kashenteŋto.

Zakareya 7:9

E yɛ: “Dra dra na kikɛ nɛ n ta atande ere n sa ma basa ŋ kaŋɛ bumo le: ‘Men baa wora asheŋ nɛ amo be ekpa so, men baa la basa nsaa wora kelela nsaa wu abar kuwɔr.

Ditɛronɔmi 10:18

Mo ere Enyɛnpe Ebɔrɛ na e naa kuŋ amunibi nɛ bekulpoche nsaa keni befɔ nɛ b wɔ anyi be basa to so, a sa bumo ajibi nɛ asɔbuuso.

Ditɛronɔmi 24:17

Men sa maa mɔn befɔ nɛ amunibi kusɔ nɛ k daga bumo kikɛ. Menyi alɛ e sa maa sɔ ekulpoche be kusɔbuuso a yili tarma pɔɛŋ nsaa sa mo mpaŋ.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.