Nshɛ 81:1 - EBƆRƐ BE KAWƆL

¹ Men boŋ nshɛ kagbenefuliso n sa Ebɔrɛ nɛ e bee sa anyi eleŋ na! Men boŋ nshɛ ŋ kpaŋ an nananyɛn Jeekɔb be Ebɔrɛ na!

Nshɛ 81:1 Iomraidhean Croise

Jɛnesis 50:17

‘Men kaŋ wora, men kule Josɛf alubi be ketampaŋ ŋ kaŋɛ: Jande, ta fo daana be alubi nɛ b wora fo na kikɛ m paŋ bumo.’ Amoso, anyee kule fo nna fanɛ fo ta m paŋ anyi nɛ an la fo tuto be Ebɔrɛ be anya na.” Josɛf ka nu bumo be kubɔya na nɛ e shu.

1 Kronikɛls 6:17

Bumo be ekama daa kɔ mbinyɛnsobi. Gɛshɔn be mbia e daa la Libni nɛ Shimei.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 50:1

Enyɛnpetale Ebɔrɛ, elempo na, bee tre durnya to be basa kikɛ nɛ b wɔ epeŋitɔrkpa nɛ epeŋilarkpa na nna fanɛ b shɛr.

Nshɛ 52:7

“Men keni basa nɛ b kini keta bumo be yirda n deŋi Ebɔrɛ so, nseŋ ta bumo be yirda n deŋi bumo be kedamaya nɛ asheŋ lubi be kewora so na.”

Nshɛ 66:1

Menyi basa nɛ men wɔ kasawule ere so kikɛ e cha awɔr n fur Ebɔrɛ.

Nshɛ 67:4

Shin nɛ efuliana na be basa kikɛ be ŋgbene e fuli bumo, nɛ b boŋ nshɛ kagbenefuliso Ŋkpal manɛ so, fee ji asheŋ nɛ amo be ekpa so nna nsaa ŋini efuliana na be basa ekpa nɛ k daga.

Nshɛ 8:1

Enyɛnpe, anyi be Ebɔrɛ, fo keshi nɛ fo mamachi be aworbi wɔ durnya ere be kaplɛkama; nɛ fo kemaŋkura wɔ esoso.

Jɛremaya 31:7

Kede be kaman, nɛ Enyɛnpe Ebɔrɛ na naŋ kaŋɛ le: “Men boŋ kagbenefuli be nshɛ n sa Israɛl be efuli, nɛ k la efuligboŋ ashi efuliana na kikɛ to na. Men boŋ nshɛ ŋ kpaŋ ma ŋ kaŋɛ le: ‘Enyɛnpe Ebɔrɛ na mɔlga mbe basa; mo e kɔ n sɔ bekama nɛ b ka na.’

Matiu 22:32

Ebɔrɛ yɛ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’ Ebɔrɛ maŋ la bubuni be Ebɔrɛ. E la basa nɛ b wɔ ŋkpa to be Ebɔrɛ nna.”

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.