Nshɛ 8:3 - EBƆRƐ BE KAWƆL

³ N baŋ keni awɔlpa nɛ fo to, nɛ kananɛ fo ta kufɔl nɛ achɛkpabi n yili amo be eyilikpa,

Nshɛ 8:3 Iomraidhean Croise

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Job be kawɔl 22:12

Ebɔrɛ wɔ ebɔrɛso nɛ k wɔ awɔlto a chɔ achɛkpabi nɛ a wɔ esoso ga nna, nsaa wu kusɔ kama.

Job be kawɔl 25:3

Wanɛ e naŋ tiŋ ŋ karga emalaika nɛ bekama nɛ baa shuŋ mo ebɔrɛso na? Ebɔrɛ be kefulto bee nyaŋɛ kaplɛkama nna.

Job be kawɔl 25:5

Kufɔl nɛ achɛkpabi gba maa fulto parr Ebɔrɛ bre be anishito.

Job be kawɔl 36:24

Beko kpaŋ Ebɔrɛ ŋkpal kusɔ nɛ e wora so, a daga fanɛ fo alɛ gba e kpaŋ mo.

Nshɛ 104:19

Fo e to kufɔl nɛ k bee ŋini anyi kananɛ jemanɛ bee ba a yɔ; nɛ epeŋi malɛ nyi saŋɛ nɛ k bee tɔr.

Nshɛ 111:2

Enyɛnpe Ebɔrɛ na wora emamachisheŋ damta nna! Ekama nɛ amo be asheŋ bɔlɔ mo kenishi bee fɛ amo be asheŋ nna.

Nshɛ 148:3

Kufɔl nɛ epeŋi, e baa kpaŋ mo. Achɛkpabi nɛ e bee nyɛkpɛ gba e baa kpaŋ Enyɛnpe Ebɔrɛ na.

Nshɛ 19:1

Esoso bee di Ebɔrɛ be kemankura efuli nna, nɛ awɔlpa malɛ bee ŋini mbe asɔ toso.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 89:11

Ebɔrɛso nɛ kasawule so kikɛ la feya nna; fo e to durnya nɛ kusɔ kama nɛ k wɔ kumo to.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ɛksodɔs 8:19

Ndoŋ nna nɛ ŋkilgiwuraana kaŋɛ Fɛɛro le: “Ebɔrɛ ko be eleŋ be aworbi nde.” Ama Fɛɛro daŋ kraŋ wora kagbene kpakpaso nna ŋ kini kewora kasonu fanɛ kananɛ Enyɛnpe Ebɔrɛ kaŋɛ na.

Luuk 11:20

Kashenteŋto, Ebɔrɛ e naa sa ma eleŋ nɛ ŋ kɔ a ju mbuibi lubiana na ashi basa to nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

Romebi 1:20

Kashenteŋ malɛ nna fanɛ yili jemanɛ nɛ Ebɔrɛ baŋ to durnya kikɛ na m ba fo mbre, basa beeŋ tiŋ m pin kananɛ mbe edasheŋ nɛ basa maaŋ tiŋ n wu kenishiso na du, kumo e la fanɛ mbe eleŋ nɛ k maŋ kɔ ekar na nɛ kananɛ e la Ebɔrɛ kashenteŋto na. Bumo alɛ beeŋ tiŋ m pin amo to, ŋkpal mbe asɔtoso so. Loŋ so, b maaŋ tiŋ ŋ kini mo nseŋ ta bumo be amu n ya ji.

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.