Nshɛ 8:2 - EBƆRƐ BE KAWƆL

² Hale mbi popɔrbi nɛ mbiwurbi kikɛ bee boŋ nshɛ a di fo epaŋ. Fo kuŋ fo kumu ashi fo doŋana be enɔ to. Fo alɛ maaŋ sa fo doŋ kikɛ kashuli.

Nshɛ 8:2 Iomraidhean Croise

Nshɛ 148:13

Asɔ to so kikɛ e baa kpaŋ Enyɛnpe Ebɔrɛ na be ketre. Men baa kpaŋ mbe ketre na nawule. Ebɔrɛ be kemaŋkura shi ga a chɔ esoso nɛ kasawule so kikɛ peya.

Nshɛ 4:4

Men ta kufu nɛ kechicha chicha n lar men be alubi to. Men keni men be ŋgbene to nɛnɛ, saŋɛ nɛ men nawule dese kelaŋ so na.

Nshɛ 44:16

Bedoŋ bee bishi ma kuwule nna, nɛ basa bee jule a keni ma nsaa wora ma eyurto.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Ɛksodɔs 11:7

Ama kakpa nɛ Israɛlebi na bre wɔ, basa maaŋ shu, hale jɔnɔ gba maaŋ gbu. Saŋɛ na so menyi, Ijiptebi beeŋ pin fanɛ Israɛlebi na kɔr menyi to ashi ma, Enyɛnpe Ebɔrɛ na kutɔ.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Eemɔs 5:9

Mo e naa mur benapo lempo nɛ nde nɛ b pɔr egbal ŋ kulti na kikɛ.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 21:16

nɛ b bishi Yesu le: “Fee nu kusɔ nɛ mbia ere bee kaŋɛ nna ere a?” Nɛ Yesu kaŋɛ bumo: “Mm, mee nu. Menyi ere maŋ naŋ kraŋ ashi Nshɛ be Kawɔl to fanɛ: ‘Fo shin nɛ mbigboŋibi nɛ bumo nɛ b kraa wɔ enɔ to kikɛ ba pin kedi Ebɔrɛ epaŋ nɛnɛ na a?’ ”

Luuk 10:21

Epul na malɛ to nɛ Kiyoyu Cheeŋ na shin nɛ kagbenefuli luri m bɔlɔ Yesu to nɛ e kaŋɛ: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so. N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

1 Kɔrintebi 1:27

Ama Ebɔrɛ lara durnya ere to be asɔ wuliso nna nɛ e ta anishinyɔr m pɛ benyiashempo. E lara durnya ere to be asɔ pɔso nna nɛ anishinyɔr e pɛ belempo.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.