Nshɛ 72:3 - EBƆRƐ BE KAWƆL

³ Shin nɛ kayurwushi nɛ keji asheŋ nɛ amo be ekpa so e baa wɔ basa nɛ b tase abeegboŋ nɛ abeebi kikɛ so.

Nshɛ 72:3 Iomraidhean Croise

Nshɛ 65:12

Fo e naa shin nɛ afitiri nɛ a wɔ keshishɛrsawule so bee daŋ nɛnɛ; nsaa shin nɛ abeeana bee ji eyur.

Nshɛ 72:16

Shin nɛ ndegboŋ nɛ e wɔ kasawule na so kikɛ e bɔlɔ ajibi, nɛ abeeana so kikɛ e bɔlɔ aboyu nɛ ayu be yiri kikɛ. Shin nɛ kasawule na so be ndibi sɔrso e wora ga, fanɛ Lebanɔn be kebee so be ndibi sɔrso peya, nseŋ shin nɛ ndegboŋ na e bɔlɔ basa fanɛ kupuŋ to be afitiri.

Aizaaya 45:8

Meeŋ shin nɛ kewora asheŋ niŋiso e shi ebɔrɛso m ba kasawule so fanɛ bɔrɛchu na, m ba shin nɛ kamooji nɛ kashenteŋji e sɔ kaplɛkama. Ma Enyɛnpe Ebɔrɛ na e naaŋ shin nɛ le e wora.

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Aizaaya 60:17

Meeŋ sa menyi shuwa, mannɛ danyaŋ peper, ŋko gbiti, mannɛ kebɛlso be yiri kama, ŋko danyaŋ peper, mannɛ ndibi, ŋko abɛlso be yiri yiri, mannɛ ajembu. Menyi be bewura maaŋ naa kɔrfɛ menyi be basa. Ma alɛ beeŋ shin nɛ b baa ji kuwura ashi kashenteŋji nɛ kayurwushi be ekpa so.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.