Nshɛ 7:1 - EBƆRƐ BE KAWƆL

¹ N nyɛnpe nɛ ma Ebɔrɛ, m ba fo kutɔ nna nɛ fo kuŋ ma, nseŋ mɔlga ma. Sɔ ma n yige ashi basa nɛ b ju a buu ma so na kutɔ.

Nshɛ 7:1 Iomraidhean Croise

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Nshɛ 13:3

Enyɛnpe Ebɔrɛ kaŋ kusoe n nu ma kabɔrɛkule, nseŋ wora kusɔ nɛ mee kule fo ere n sa ma. Shin nɛ ma anishito e saŋɛ to; nɛ mannɛ aloŋ meeŋ wu,

Nshɛ 13:5

Ama ma tama deŋ fo kasha nɛ k maa loge na so nna. Ma kagbene beeŋ fuli ma ŋkpal fo ka beeŋ mɔlga ma so.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 18:28

Fo Enyɛnpe Ebɔrɛ na e naa ŋini ma kefulto be ekpa, nsaa ta tentembiri a ki kefulto a sa ma.

Nshɛ 25:2

Ma Ebɔrɛ, fo nɛ n yirda. Sa maŋ shin nɛ n ji anishinyɔr, ŋko n shin nɛ ma doŋana e pɔɔ ma so.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 3:7

Enyɛnpe Ebɔrɛ, mɔlga ma. Gberge ma doŋana kusoe, n shin nɛ bumo be eleŋ e yɔɔ, nɛ b sa maŋ tiŋ m pɔɔ ma so. Fɛta ma doŋana be atayamu, nseŋ gbaŋ bumo be anyi.

Nshɛ 30:12

Amoso m maaŋ lo ma kɔnɔ. Enyɛnpe Ebɔrɛ, meeŋ fur fo, a di fo ketre epaŋ mbaanaayɔ.

Nshɛ 30:2

N shu n tre fo Enyɛnpe ma Ebɔrɛ; nɛ fo chɛ ma to,

Nshɛ 31:15

Ma ŋkpa wɔ fo enɔ to nna. Mɔlga ma ashi ma doŋana nɛ b ju a buu ma so saŋkama na kutɔ.

Nshɛ 32:10

Belubiworapo beeŋ luri awurfoŋ be yiri yiri to. Ama Enyɛnpe Ebɔrɛ na beeŋ ta mbe kasha nɛ k maa loge na ŋ kuŋ basa nɛ b yirda mo na bre.

Nshɛ 43:4

Saŋɛ na so meeŋ ya bunyaŋ fo ashi fo bɔrɛsure na ase, ŋkpal fo ka sa ma kagbenefuli gboŋgboŋi so so. Meeŋ ta ma jaŋjilaŋ n laŋ m maŋkura fo, ma Ebɔrɛ na.

Nshɛ 89:26

Ndoŋ nna nɛ e kaŋɛ ma le: ‘Fo e la n tuto nɛ ma Ebɔrɛ; Fo e la ma ekumpo nɛ ma emɔlgapo.’

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Jɛremaya 15:15

Ndoŋ nna nɛ ŋ kaŋɛ le: “Naniere Enyɛnpe Ebɔrɛ, fo pin kebaawɔtɔ nɛ n wɔ kumo to nna na. Nyiŋi ma asheŋ nseŋ chɛ ma to. Shin nɛ n tiŋ n wora n tal basa nɛ baa kɔrfɛ ma na to. Sa maŋ ji bumo kanyiti n shin nɛ b nya ma m mɔ. Baa nyiŋi fanɛ fo so nɛ baa tege ma.

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Danɛl 9:4

Ma kabɔrɛkule na to nɛ m bugi to ŋ kaŋɛ Enyɛnpetale Ebɔrɛ na alubi nɛ ma basa wora ŋ kaŋɛ le: “Enyɛnpe Ebɔrɛ nɛ fo shibi nɛ anyee bunyaŋ fo nɛ fee ji kashenteŋ a sa fo ŋkre nɛ fo nase na nsaa ŋini bekama nɛ baa sha fo nsaa wora fo aparsheŋ na kasha saŋkama na,

Habakuk 3:1

Kabɔrɛkule nɛ anebi Habakuk kule nde.

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Joshuwa 14:8

Basa nɛ ma nɛ bumo daŋ yɔ na daŋ ta kufu damta nna n wɔtɔ anyi be basa to. Ama ma ere daŋ wora Enyɛnpe Ebɔrɛ na kasonu nna kashenteŋto.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Pita 4:19

Amoso, bumo nɛ b wɔ tɔrɔ mo nɛ a la Ebɔrɛ be keparso peya ere to ere, b baa ta bumo be amu kikɛ a bɔɔ bumo be Epɔrpo mo nɛ e maŋ kɔ kɔnɔkilgi na nsaa wɔtɔ a wora kelela na enɔ.