Nshɛ 69:3 - EBƆRƐ BE KAWƆL

³ N shu n tre fo hale ma eleŋ kikɛ loge, nɛ ma ebɔl to wɔl. N mɛrge anishi ŋ keni fo ekpa, hale ma anishi bee kurge.

Nshɛ 69:3 Iomraidhean Croise

Job be kawɔl 11:20

Ama basa lubi bre beeŋ paŋ tama nseŋ fo akpa. Bumo be tama kikɛ beeŋ baa la luwu nna.”

Job be kawɔl 16:16

N shu nna nɛ ma anishi m pere, hale puŋi m buu so nɛ m maŋ naa wu nɛnɛ.

Nshɛ 119:123

Ŋ keni fo kumɔlga nɛ fo nase kumo be kɔnɔ na ekpa hale nɛ ma anishi gben a besa.

Nshɛ 119:82

N to kenishi a keni fo kɔnɔ naseso ekpa n ya gben. Saŋɛ mo nɛ feeŋ wu ma kuwɔr nseŋ chɛ ma to?

Nshɛ 22:15

Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Nshɛ 22:2

Ma Ebɔrɛ, mee shu a tre fo kapa nɛ kanyɛ nna, fo alɛ maa nu. Amoso ma kagbene maŋ dese ma.

Nshɛ 25:21

Keni ma alelasheŋ nɛ aworbi nɛ a niŋi ekpa so, nseŋ kuŋ ma ŋkpa. Ŋkpal manɛ so, ma tama deŋ fo so nna.

Nshɛ 39:7

Naniere, Enyɛnpe Ebɔrɛ, manɛ bre nɛ n naa fin? Ma tama deŋ fo so nna.

Nshɛ 40:3

E sa ma kashɛ popɔr nna, nɛ m boŋ n fur mo, nɛ basa damta e wu kusɔ nɛ Enyɛnpe Ebɔrɛ na wora, nsaa ŋana mo; saŋɛ na so, baaŋ ta bumo be yirda n deŋi mo so.

Nshɛ 6:6

Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.

Nshɛ 69:21

Baa ta kɔrtɔ nna a wɔtɔ ma ajibi to nsaa sa ma nsa nyaŋnyaŋso fanɛ nchu nuuso.

Nshɛ 88:7

Fo kanya agbo muni ma so nna fanɛ nchu ka muni esa so na.

Aizaaya 38:14

N daa shu nna fanɛ kabɔrɛpɔpɔbi, nseŋ daa naa shu kuwɔr so fanɛ lepɔ na. N daŋ dese nna a keni fo Enyɛnpe Ebɔrɛ na anishito, hale nɛ ma anishi gben, a maŋ naa wu nɛnɛ. Jande, Enyɛnpe Ebɔrɛ, mɔlga ma ashi etɔrɔ ere kikɛ to.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Baru lela nɛ Jɔn kute na 19:28

Asheŋ ere kikɛ ka wora n choŋ nɛ Yesu pin loŋ nsaa sha fanɛ abɔrɛsibɛ na e bɔlɔ so nɛ e kaŋɛ le: “Achukoŋ kɔ ma.”

Ditɛronɔmi 28:32

Basa beeŋ ba pɛ menyi be mbia tintiŋ so n yɔ efuli pɔtɛ so nɛ men baa yil a keni, ama menyi alɛ maaŋ tiŋ n wora shɛŋ. Karechɛ kikɛ menyeeŋ baa mɛrge anishi a keni ekpa fanɛ menyi be mbia na beeŋ bɛta m ba hale nɛ menyi maaŋ naa wu nɛnɛ. Ama mbia na malɛ maaŋ naŋ bɛta m ba kikɛ.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.