Nshɛ 69:1 - EBƆRƐ BE KAWƆL

¹ O Ebɔrɛ, mɔlga ma. Ŋkpal manɛ so, nchu bɔlɔ n fo ma kubɔ nsaa shin nɛ a mur ma.

Nshɛ 69:1 Iomraidhean Croise

Job be kawɔl 22:11

nɛ k wora fanɛ kaplɛkama ka biri to nɛ fo maa wu, nɛ nchu bɔlɔ ŋ kulti fo n wɔtɔ na.

Nshɛ 18:4

Luwu be ŋgbɛlɛbi chambɔ ma nna; nɛ kemur be nchu kulti ma n wɔtɔ,

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Nshɛ 42:7

Fo agbo ba ma so nna fanɛ teku be nchu ka baga to m muni ma so na, ŋko nchu ka shi kebee be awɔlto a wurge waa waa na.

Nshɛ 45:1

Ŋ kɔ mmalga lela ma nfɛra to nɛ n sa ewura. Meeŋ ta ma kudonduloŋ m boŋ amo fanɛ kananɛ esibɛpo lela bee ta kelembi a sibɛ na.

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Nshɛ 69:2

Mee nia depɔ to nna nɛ ma aya maŋ naa mur efar. N fo kakpa chiŋgeliŋ nɛ nchu na bee muni ma so.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Nfabel 3:54

Ndoŋ nna nɛ nchu dii m muni ma kumu so, nɛ n fɛ fanɛ naniere n wu nna na.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.