Nshɛ 67:4 - EBƆRƐ BE KAWƆL

⁴ Shin nɛ efuliana na be basa kikɛ be ŋgbene e fuli bumo, nɛ b boŋ nshɛ kagbenefuliso Ŋkpal manɛ so, fee ji asheŋ nɛ amo be ekpa so nna nsaa ŋini efuliana na be basa ekpa nɛ k daga.

Nshɛ 67:4 Iomraidhean Croise

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

Nshɛ 2:8

Amoso kule ma, nɛ n ta efuliana ere kikɛ n sa fo; nseŋ shin nɛ durnya ere kikɛ e ki feya.

Nshɛ 82:6

Ma, Enyɛnpetale Ebɔrɛ na e kaŋɛ fanɛ men kikɛ la agbirana nna nsaa la ŋ gbagba be asɔ toso.

Nshɛ 9:8

Feeŋ ji durnya ebi demu nɛ kumo be ekpa so, nseŋ ji basa so kuwura ekpa niŋiso so.

Nshɛ 96:10

Men kaŋɛ efuliana na so ebi le: “Enyɛnpe Ebɔrɛ na e la Ewura! Mo e tɔl durnya na n yili dindiŋ nɛ k maa fifir; mo alɛ e naaŋ ji basa kikɛ demu nɛ e maŋ puni eko.”

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Galeeshaebi 4:27

Ŋkpal manɛ so, le nɛ abɔrɛsibɛ na bee kaŋɛ: “Fo egbentepo nɛ fo maŋ naŋ kurge ŋ ku so, fo alɛ ŋkaa maŋ naŋ nya kakurge be ebesa ere, baa kɔ kagbenefuli nseŋ bugi kɔnɔ n wora kagbenefuliso be awɔr. Ŋkpal manɛ so, eche nɛ b kini na beeŋ nya bibi a chɔ emo nɛ e kɔ ekul a wɔtɔ na.”

Ditɛronɔmi 32:43

Efuli pɔtɛana be basa, a daga fanɛ men tu Enyɛnpe Ebɔrɛ na be basa n ji eyur, ŋkpal manɛ so, e bee gberge bekama nɛ b mɔ mbe basa kusoe nna. Mo e naa bishi mo doŋana kuwule nsaa ta mbe basa be alubi a paŋ bumo na.”