Nshɛ 67:2 - EBƆRƐ BE KAWƆL

² nɛ ekama durnya ere to e pin fo ekpa na, nɛ efuliana na kikɛ be basa e wu fo kumɔlga na.

Nshɛ 67:2 Iomraidhean Croise

Nshɛ 117:2

Ŋkpal manɛ so, kasha nɛ e kɔ n sa anyi na shi ga; nɛ mbe kashenteŋji malɛ maŋ kɔ ekar. Men kpaŋ Enyɛnpe Ebɔrɛ na!

Nshɛ 4:7

Kagbenefuli nɛ fo sa ma na chɔ kumo nɛ aboyu damta be keburi ŋko nsa damta be kenya bee sa basa ga.

Nshɛ 41:5

Bedoŋ bee malga asheŋ lubi a laŋɛ ma kaplɛa so nna a kaŋɛ le: “Saŋɛ mo nɛ feeŋ wu nɛ b teŋ fo ketre so?”

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Danɛl 9:17

O Ebɔrɛ, jande, nu ma kabɔrɛkule ere nseŋ wu ma kuwɔr n shin nɛ fo bɔrɛlambu nɛ k bure na e naŋ lɔŋɛ n yili. Saŋɛ na so ekama beeŋ pin fanɛ fo e la Ebɔrɛ na.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Luuk 3:6

Durnya kikɛ malɛ beeŋ wu kananɛ Ebɔrɛ be kumɔlga be kakɛ na du.’ ”

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ashuŋ Shunso 18:25

B daŋ ŋini mo Enyɛnpe be ekpa na be asheŋ nna nɛ e daa wɔtɔ a yeŋi so a malga nsaa ŋini basa Yesu be asheŋ na kashenteŋto nɛ amo be ekpa so. Ama Jɔn be kabɔrɛbɛr na nawule be asheŋ nɛ e daa nyi.

Ashuŋ Shunso 22:4

N daŋ tɔrɔ basa nɛ b bɛ le be ekpa ere na so hale a sha kemɔ bumo kikɛ. Beche nɛ benyɛn kikɛ nɛ n daŋ pɛ n shin nɛ b ti ebu.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

Taites 2:11

Ŋkpal manɛ so, Ebɔrɛ shin nɛ mbe kuwɔr be kakɛ nɛ k bee bar kumɔlga basa kikɛ so na lar efuli.