Nshɛ 5:3 - EBƆRƐ BE KAWƆL

³ Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Nshɛ 5:3 Iomraidhean Croise

Job be kawɔl 34:28

Betirpo nɛ b daŋ shu ŋ ŋini Ebɔrɛ nɛ mo alɛ nu bumo be kushu nseŋ chɛ bumo to.

Nshɛ 119:147

Pɔɛŋ nɛ epeŋi e pete gba, fo nɛ mee kule a fin kechɛto. N ta ma tama nna n deŋi fo kamalga naseso so.

Nshɛ 130:2

Nu ma kekule, nseŋ wu ma kuwɔr n chɛ ma to!

Nshɛ 130:6

Mee keni Enyɛnpe Ebɔrɛ na ekpa kenishipereso nna, fanɛ kananɛ esa nɛ e chena a da asɔ so bee keni karechɛ ekpa na. Kashenteŋto, mee keni mo ekpa a chɔ kananɛ esa nɛ e da asɔ so bee keni karechɛ ekpa na.

Nshɛ 145:1

Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Nshɛ 22:2

Ma Ebɔrɛ, mee shu a tre fo kapa nɛ kanyɛ nna, fo alɛ maa nu. Amoso ma kagbene maŋ dese ma.

Nshɛ 44:5

Fo eleŋgboŋ na e shin nɛ an ŋmɛa an doŋana n lɛ nseŋ chichi bumo so.

Nshɛ 55:17

Chipurso nɛ kapaso nɛ kanyɛso kikɛ, e bee nu ma nfubel nna.

Nshɛ 69:16

Enyɛnpe Ebɔrɛ, nu ma kekule, ŋkpal fo ka walɛ nsaa la esa so. Chɛ ma to, ŋkpal fo kuwɔrwu gboŋgboŋi na so.

Nshɛ 74:12

O Ebɔrɛ, sososo na kikɛ, fo e la anyi be ewura; fo alɛ e bar kumɔlga durnya kikɛ be basa to.

Nshɛ 84:4

Kagbenefuli la bekama nɛ b wɔ fo bɔrɛlambu to a boŋ nshɛ jemanɛ kikɛ e kpaŋ fo na peya nna.

Nshɛ 88:13

Ama fo Enyɛnpe Ebɔrɛ na nɛ mee shu a tre kachipurso kikɛ fanɛ fo chɛ ma to.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Nfabel 3:56

Ŋ ka kule fo nɛ fo nu ma kabɔrɛkule.

Maak 1:35

Ŋklade kachipurdidi pɔɛŋ nɛ kaboŋ bugi to nɛ Yesu koso n lar kowu n yɔ ketamanto mo nawule n ya kule Ebɔrɛ.