Nshɛ 4:6 - EBƆRƐ BE KAWƆL

⁶ Basa damta bee kule Ebɔrɛ nna a kaŋɛ le: “Enyɛnpe Ebɔrɛ nɛfa anyi, nseŋ wu anyi kuwɔr.”

Nshɛ 4:6 Iomraidhean Croise

Nshɛ 119:135

Mushe n wora ma, fo kayɛrbi, nseŋ ŋini ma fo mbraana na.

Nshɛ 21:6

Kashenteŋto, fo sa mo nɛfa mbaanaayɔ; fo nɛ mo be kebaala na malɛ bee fuli mo kagbene nna.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Nshɛ 67:1

Anyi be Ebɔrɛ, wu anyi kuwɔr, n shin nɛ fo kagbene e fuli anyi so, nɛ fo wora anyi kelela nseŋ nɛfa anyi;

Nshɛ 80:19

O Enyɛnpetale Ewurbɔrɛ, naŋ bɛta anyi m ba fo kutɔ! Mushe n wɔtɔ anyi n shin nɛ an nya kumɔlga.

Nshɛ 80:7

O Enyɛnpetale Ebɔrɛ, naŋ mushe n wɔtɔ anyi, nɛ an naŋ nya kumɔlga.

Nshɛ 89:15

O Enyɛnpe Ebɔrɛ, kagbenefuli la bekama nɛ baa bugi ŋgbene to a bunyaŋ fo nsaa wɔ fo kefultogboŋ na to na peya nna.

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Malakai 3:3

Mbe demu be keji beeŋ baa du nna fanɛ b ka ŋalga gbiti a lara amo be eyurpi nna. Kananɛ bɔyɛpo bee ŋalga gbiti nɛ shuwa a lara amo be eyurpi na, nɛ Enyɛnpe gba beeŋ fɔr bɔrɛmatapoana na so, saŋɛ na so baaŋ ta esarga nɛ a daga m ba sa mo Enyɛnpe Ebɔrɛ na.

Nɔmbɛs 6:26

Enyɛnpe Ebɔrɛ na be kuwɔr nɛ mbe kagbenewushi e baa wɔ menyi so.”

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Ditɛronɔmi 33:19

Baa tre befɔ nna a ba bumo be abee so m baa kaa lara esarga nɛ a daga ashi amo so. Teku so nɛ baa bɔla a nya bumo be kedama; baa bɔla teku ase be eshishɛr so gba a dii dama.”

Jeems 4:13

Menyi nɛ menyee kaa kaŋɛ le: “Kabre ŋko echefo anyeeŋ yɔ le nɛ le be kade to n ya chena ndoŋ kafɛ n ji yawu n dii dama na” e nu nfe.