Nshɛ 4:4 - EBƆRƐ BE KAWƆL

⁴ Men ta kufu nɛ kechicha chicha n lar men be alubi to. Men keni men be ŋgbene to nɛnɛ, saŋɛ nɛ men nawule dese kelaŋ so na.

Nshɛ 4:4 Iomraidhean Croise

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 119:161

Kenyanyaŋɛso nɛ bewurjipo bee kɔ ma; ama ma ere bee sa fo kamalga bunyaŋ ashi ma kagbene to nna.

Nshɛ 17:6

Enyɛnpe Ebɔrɛ, mee kule fo nna. Ŋkpal fo ka beeŋ chɛ ma to so. Kaŋ kusoe n nu ma kabɔrɛkule.

Nshɛ 2:11

Men ta kufu nɛ kechicha chicha a shuŋ Ebɔrɛ, nseŋ shin nɛ men be ŋgbene e fuli.

Nshɛ 3:2

Baa malga a gbiti ma nna a kaŋɛ le: “Ebɔrɛ maaŋ mɔlga mo.”

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 33:8

Kasawule so ebi kikɛ e shuŋ Enyɛnpe na, nɛ durnya to be basa kikɛ e bunyaŋ mo.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 63:6

Kanyɛso nɛ m baŋ dese gedo so mee nyiŋi fo nna, a fɛ fo asheŋ ashi ma edesekpa saŋkama.

Nshɛ 77:6

Mee nyiŋi kanyɛso kikɛ be nshɛ nɛ n daa boŋ, nsaa fɛ nfɛra ga na nna, a bishi ma kumu le:

Aŋasa 16:17

Basa lela bee gelge alubi be ekpa nna. Esa nɛ e da ekpa nɛ e bee bɔla so so beeŋ kuŋ mbe ŋkpa.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

2 Kɔrintebi 13:5

Men keni men be ŋgbene to ŋ keni ŋko men maŋ wɔ yirda na to a? Men wora men be amu ŋ keni. Men maŋ nyi Yesu Kristo ka wɔ menyi to a? Nɛ mannɛ aloŋ, men tɔr nna na.

Ɛfesesebi 4:26

Fo kama nɛ agbo pɛ fo, fo sa maŋ shin nɛ agbo na e shin nɛ fo luri alubi to, fo alɛ e sa maŋ naŋ keta agbo na n tɔr epeŋi.