Nshɛ 4:2 - EBƆRƐ BE KAWƆL

² Saŋɛ mo nɛ menyi basa ere beeŋ yige ma katege? Saŋɛ mo nɛ menyeeŋ yige asheŋ fuloŋ be kasha, nɛ kebaaju a buu efɛ so?

Nshɛ 4:2 Iomraidhean Croise

Nshɛ 106:20

B daŋ ta Ebɔrɛ be kemaŋkura nna n sa gbolu fɔlbi nɛ k la kusɔbɔya nɛ k bee ji afitiri na, be kapɔrduli.

Nshɛ 14:6

Menyi, alubiworapoana e naa jija betirpo be ŋkre. Ama Enyɛnpe Ebɔrɛ e naa kuŋ bumo.

Nshɛ 2:1

Manɛ nna nɛ efuliana na bee kre ŋkre lubi loŋ? Manɛ nna nɛ amo be basa bee kre asheŋ fuloŋ?

Nshɛ 3:3

Ama, fo Enyɛnpe Ebɔrɛ na, e naa kuŋ ma saŋkikɛ. Fo e naa shin nɛ mee kɔ a pɔɔ so, nsaa shin nɛ mee nya bunyaŋgboŋ nɛ keleŋto.

Nshɛ 31:6

Ŋ kishi basa nɛ baa shuŋ agbir nɛ a maŋ la shɛŋ na ga. Fo Enyɛnpe Ebɔrɛ na nɛ n yirda.

Nshɛ 5:6

Feeŋ mur befɛpo kikɛ. Fo kishi kumukpakpaso nɛ kafule ga.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 57:4

N wɔ bedoŋ nɛ b du fanɛ ebuluŋ, nɛ baa kpɛa basa to na to nna. Bumo be anyii du fanɛ atanyembi nɛ akpa nna. Nɛ bumo be adonduloŋ bee ji fanɛ etokobi.

Nshɛ 58:1

Menyi bejuŋkparpo, bee ji asheŋ nɛ amo be ekpa so a? Menyee ji basa be asheŋ kananɛ k daga so a?

Nshɛ 58:3

Yili men be kakurgeachɛ kikɛ m ba fo mbre, men wɔtɔ nna a wora alubi nsaa ku efɛ.

Nshɛ 63:11

Ama ewura na nɛ bumo nɛ b yirda fo na bre beeŋ ji eyur, ŋkpal fo Enyɛnpe Ebɔrɛ na so. Ama befɛpo bre beeŋ lo bumo be nnɔ.

Nshɛ 72:2

Saŋɛ na so, e beeŋ baa ji fo basa demu ekpa niŋiso so, nsaa keni basa nɛ b wɔ tɔrɔ to ekpa nɛ k daga so.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Aŋasa 1:22

“Ewulpo, fee sha fanɛ fo baa la ewulpo saŋkikɛ nna nsaa keni kenyi jiga a? Fo kini kenyi be kekoya nna a? Saŋɛ mo nɛ feeŋ fara a koya asheŋ?

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Kaŋinichiŋgeliŋ 9:3

Kulubi nɛ k wɔ asheŋ kama nɛ e bee wora durnya to na e la fanɛ, kelamba koŋwule e dese n sa ekama. Asheŋ lubi nɛ ebonsheŋ e baŋ bɔlɔ edimɛdi be ŋgbene nɛ nfɛra to; amo alɛ kikɛ be kaman baa wu a yɔ bubuni to nna.

Aizaaya 20:5

Ndoŋ nna nɛ bekama nɛ b ta bumo be yirda n deŋi Itiopia so nseŋ daa puchi Ijipt so na be nfɛra mel to nɛ b pɔ aba.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 59:4

Men baŋ yɛra asheŋ demujikpa gba, men maa nya kashenteŋ ashi menyi be edemu be keji to. Efɛ nɛ menyee ku a ji lar edemuji na to. Basa be keji awurfoŋ be ŋkre e wɔ menyi to nɛ menyee wora a bɔlɔ so.

Jɛremaya 2:11

Efuli kikɛ so be basa maŋ naŋ chɛrga bumo be agbirana. Bumo be agbirana na maŋ la Ebɔrɛ kashenteŋto gba. Ama ma ere be basa ta ma, Enyɛnpe Ebɔrɛ nɛ m bar bumo kemaŋkura na n chɛr agbirana nɛ a maaŋ tiŋ n wora shɛŋ n sa bumo.

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Hoziya 4:7

Kananɛ bɔrɛmatapoana na bee wora kishi a ti so, loŋ koŋwule nɛ baa wora alubi a gbiti ma a ti so. Ŋkpal loŋ so, meeŋ shin nɛ men be kemaŋkura nɛ men kɔ na e ki anishinyɔr n sa menyi.

Jona 2:8

Basa nɛ baa shuŋ agbir paŋ Ebɔrɛ be kuwɔrwu.

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Ashuŋ Shunso 24:9

Ndoŋ nna nɛ Juwebi na kikɛ shuli n chɛ Tetales to ŋ kaŋɛ fanɛ alubi nɛ b kaŋɛ fanɛ Pɔɔl wora na kikɛ la kashenteŋ nna.

1 Kɔrintebi 1:31

Loŋ malɛ nɛ abɔrɛsibɛ na kaŋɛ na fanɛ: “Esa kama nɛ e bee sha kepuchi, e baa puchi Enyɛnpe na so.”

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

1 Samuɛl 12:21

Men sa maa shuŋ agbir, ŋkpal manɛ so, a maaŋ tiŋ n chɛ menyi to ŋko m mɔlga menyi. Agbir la asɔ fuloŋ nna.