Nshɛ 4:1 - EBƆRƐ BE KAWƆL

¹ Enyɛnpe Ebɔrɛ nɛ fo la ma ekumpo, nu ma kekule. N daa wɔ tɔrɔ to nna nɛ fo chɛ ma to. Amoso wu ma kuwɔr nseŋ nu ma kekule.

Nshɛ 4:1 Iomraidhean Croise

Job be kawɔl 36:16

Le be jemanɛ ere Ebɔrɛ be kenishi pere nna nɛ e lara fo ashi tɔrɔ to nseŋ sa fo kusɔ kama nɛ fee sha yɛlyɛla so.

Nshɛ 11:7

Ŋkpal manɛ so, Enyɛnpe Ebɔrɛ na bee wora asheŋ nɛ amo be ekpa so nna nsaa sha kashenteŋji. Bumo nɛ baa wora asheŋ niŋiso e naŋ baa wɔ mo kutɔ.

Nshɛ 116:16

O Enyɛnpe Ebɔrɛ, n la fo kayɛrbi kashenteŋto nna; kananɛ n nio shuŋ fo na nɛ ma alɛ gba bee shuŋ fo na. Fo e mɔlga ma ashi luwu to.

Nshɛ 116:6

Enyɛnpe Ebɔrɛ na e naa kuŋ bekama nɛ b maaŋ tiŋ n chɛ bumo be amu to. Asheŋ ka tu ma, mo e mɔlga ma.

Nshɛ 119:132

Naŋ laŋɛ fo nfɛra m ba ma so nseŋ wu ma kuwɔr, fanɛ kananɛ fee kaa wora bekama nɛ fee sha na.

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Nshɛ 17:6

Enyɛnpe Ebɔrɛ, mee kule fo nna. Ŋkpal fo ka beeŋ chɛ ma to so. Kaŋ kusoe n nu ma kabɔrɛkule.

Nshɛ 22:1

Ma Ebɔrɛ, manɛ nna nɛ fo kplaŋ ma so? Manɛ nna nɛ fo wɔ kufɔ loŋ? Fo maaŋ nu ma kebɔltofinfin be kushuto, nseŋ ba mɔlga ma a?

Nshɛ 24:5

Loŋ be basa nɛ Enyɛnpe Ebɔrɛ na bee nɛfa nsaa mɔlga, a shin nɛ baa ji a lar mbe anishito fanɛ basa nɛ b maŋ wora n jija na.

Nshɛ 25:16

Kenawule nɛ awurfoŋ kɔ ma nna; amoso Enyɛnpe Ebɔrɛ, ba chɛ ma to.

Nshɛ 31:8

Fo maŋ yige ma n wɔtɔ ma doŋana be enɔ to. Ama fo sɔ ma n yige, nɛ n nya ma kumu a ji.

Nshɛ 41:12

Ŋkpal ŋ kaa bee wora asheŋ niŋiso so, feeŋ chɛ ma to, nseŋ shin nɛ m baa wɔ fo kutɔ saŋkama.

Nshɛ 42:1

Kananɛ achukoŋ bee pɛ chibir nɛ e bee yɛla kenishi to a fin eboŋ nɛ k kɔ nchu na, aloŋ nɛ mee fin fo Ebɔrɛ kenishipereso ashi ma kagbene to.

Nshɛ 45:1

Ŋ kɔ mmalga lela ma nfɛra to nɛ n sa ewura. Meeŋ ta ma kudonduloŋ m boŋ amo fanɛ kananɛ esibɛpo lela bee ta kelembi a sibɛ na.

Nshɛ 56:1

O, Enyɛnpe Ebɔrɛ, wu ma kuwɔr. Bedoŋ ju a buu ma so kapa nɛ kanyɛ nna. Saŋɛ kikɛ baa firgi a taga ma to nna.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Nshɛ 6:1

Enyɛnpe Ebɔrɛ, sa maŋ nya agbo ŋ kaŋɛ fanɛ n wora n jija, nseŋ gberge ma kusoe agbo so.

Nshɛ 67:1

Anyi be Ebɔrɛ, wu anyi kuwɔr, n shin nɛ fo kagbene e fuli anyi so, nɛ fo wora anyi kelela nseŋ nɛfa anyi;

Nshɛ 76:1

Ekama nyi Ebɔrɛ be asheŋ ashi Juda be efuli so, nɛ mbe ketre malɛ bee nya kemaŋkura Israɛl to.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Habakuk 3:19

Enyɛnpetale Ebɔrɛ na e naa sa ma eleŋ, nsaa shin nɛ mee mur aya fanɛ shantaŋ, a tiŋ a nite abee to.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

2 Kɔrintebi 1:8

Bekurgepoana, anyee sha fanɛ men pin kekɔrfɛ mo nɛ b kɔrfɛ anyi ashi Eeshia be kasawule so nna. Kashenteŋto, asheŋ nɛ b daŋ ta n tu anyi na daŋ wora anyi egbɛ ga n ya kaa pɔɔ anyi so, nɛ an daa fɛ fanɛ anyi be ŋkpaana loge durnya to.

1 Samuɛl 17:37

Enyɛnpe Ebɔrɛ na ka baŋ mɔlga ma ashi ebuluŋ nɛ eshishiri to ere bre, e beeŋ mɔlga ma ashi Filisti be kanyɛn ere gba be enɔ to.” Nɛ Sɔɔl malɛ kaŋɛ mo le: “Enyɛnpe Ebɔrɛ na beeŋ chɛ fo to, amoso baa yɔ n ya kɔ mo.”