Nshɛ 26:3 - EBƆRƐ BE KAWƆL

³ M maaŋ teŋ fo kasha nɛ k maa loge na so kikɛ. Fo kashenteŋji e naa juŋkpar ma saŋkikɛ.

Nshɛ 26:3 Iomraidhean Croise

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

Nshɛ 101:2

Jande, chɛ ma to nɛ ŋ koya kebaawora asheŋ niŋiso; saŋɛ na so meeŋ baa ji kashenteŋ nsaa maa kɔ ŋkpɛato ashi ma kuwurji to.

Nshɛ 119:142

Fo kebaawɔtɔ niŋiso wɔtɔ nna mbaanaayɔ; nɛ fo mbra malɛ la kashenteŋ jemanɛ kikɛ.

Nshɛ 25:5

Ta fo kashenteŋ na n ŋini ma ekpa. Ŋkpal manɛ so, fo e la Ebɔrɛ a mɔlga ma, nɛ ma tama deŋ fo so saŋkikɛ.

Nshɛ 52:1

Feeŋ tiŋ a la elempo nsaa ji njɔŋ ŋkpal fo alubi so. Ama esa beeŋ tiŋ n yirda Ebɔrɛ saŋkama.

Nshɛ 86:11

O Enyɛnpe Ebɔrɛ, ŋini ma kusɔ nɛ fee sha fanɛ n wora. Meeŋ baa nu a sa fo kashenteŋ na. Ŋini ma kananɛ meeŋ ta ma kagbene kikɛ a shuŋ fo nsaa bunyaŋ fo ketre na.

Aizaaya 2:5

Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Luuk 6:36

Amoso, men baa wu kuwɔr fanɛ kananɛ men Tuto bee wu kuwɔr na.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

2 Jɔn 1:4

Kowurche, ŋ ka pin fanɛ fo mbia ko wɔ kashenteŋ be kebaawɔtɔ na to fanɛ kananɛ Ebɔrɛ Etuto na nase na, ma kagbene fuli ma paa.

3 Jɔn 1:11

N teri shaso, sa maa kute asheŋ lubi to, baa kute asheŋ lela to. Esa kama nɛ e bee wora alela la Ebɔrɛ peya nna, ama ekama nɛ e bee wora alubi maŋ naŋ wu Ebɔrɛ.