Nshɛ 139:3 - EBƆRƐ BE KAWƆL

³ Fee wu kusɔ kama nɛ mee wora, ŋko kaplɛkama nɛ mee yɔ nna.

Nshɛ 139:3 Iomraidhean Croise

2 Samuɛl 11:27

B ka wora keeli n loge, nɛ ewura Deevid shuŋi nɛ b ya keta mo m ba ewurkpa nɛ e ta mo ŋ ki mbe eche hale nɛ e kurge ebinyɛn n sa mo. Ama kusɔ nɛ Deevid wora na daa maŋ par Enyɛnpe Ebɔrɛ.

2 Samuɛl 8:14

Deevid daŋ yige mbe benapo ko ashi Edɔm be efuli so nna, nɛ ndoŋebi bee shuŋ mo. Kaplɛkama malɛ nɛ Deevid baaŋ yɔ, Enyɛnpe Ebɔrɛ na bee chɛ mo to nna nɛ e bee kɔ a pɔɔ so.

Job be kawɔl 23:10

Ama Ebɔrɛ bre nyi kusɔ kama nɛ mee wora, mo alɛ baŋ wora ma ŋ keni, e beeŋ wu ma fanɛ shuwa nɛ eyurpi maŋ wɔ kumo to.

Job be kawɔl 31:4

Mo alɛ nyi kusɔ kama nɛ mee wora, nsaa wu keya kama nɛ mee tia.

Nshɛ 119:168

Mee wora fo kanase nɛ keŋini kasonu nna; fo alɛ bee wu kusɔ nɛ mee wora kikɛ.

Nshɛ 139:18

Nɛ fanɛ ŋ karga fo nfɛra gba, e beeŋ baa chɔ teku ase be eshishɛr. M baŋ di n tiŋi kelaŋ so gba, ma nɛ fo e kraa la.

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Aizaaya 29:15

Asheŋ maaŋ nyalɛ n sa bekama nɛ baa ta bumo be ŋkre a ŋana Enyɛnpe Ebɔrɛ na so na! Baa wora asheŋ ŋgbalanto nna a fɛ fanɛ esa kikɛ maaŋ wu bumo ŋko m pin kusɔ nɛ baa wora na.

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Baru lela nɛ Jɔn kute na 13:2

B ka tase ejikpa a shin nɛ b ji kanyɛso be ajibi nɛ alubipo na malɛ teŋ yili kumo Judas Iskareɔt, Saimɔn pibi be kagbene to fanɛ e debɔr Yesu.

Baru lela nɛ Jɔn kute na 13:21

Yesu ka malga kesheŋ ere n loge nɛ mbe kagbene jija mo ga nɛ e bugi to ŋ kaŋɛ bumo le: “Ma e kaŋɛ menyi kashenteŋto na fanɛ menyi be eko beeŋ debɔr ma.”