Nshɛ 135:3 - EBƆRƐ BE KAWƆL

³ Men kpaŋ Enyɛnpe Ebɔrɛ na, ŋkpal e ka la esa lela so. Men boŋ nshɛ ŋ kpaŋ mbe ketre, ŋkpal k ka bee par mo so.

Nshɛ 135:3 Iomraidhean Croise

Nshɛ 100:5

Enyɛnpe Ebɔrɛ na walɛ ga! Mbe kasha nɛ k maa loge na, nɛ mbe kashenteŋji malɛ wɔtɔ nna mbaanaayɔ.

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 107:1

Men di Enyɛnpe Ebɔrɛ na epaŋ, ŋkpal manɛ so, e walɛ, nɛ mbe kasha nɛ k maa chɛrga na, malɛ wɔtɔ mbaanaayɔ.

Nshɛ 118:1

Men di Enyɛnpe Ebɔrɛ na epaŋ, ŋkpal manɛ so, e walɛ nɛ mbe kasha nɛ k maa chɛrga na malɛ wɔtɔ mbaanaayɔ.

Nshɛ 119:68

Fo la esa lela nna nɛ fo asheŋ woraso kikɛ la asheŋ lela; amoso ŋini ma fo mbraana.

Nshɛ 136:1

Men baa di Enyɛnpe Ebɔrɛ epaŋ ŋkpal e ka la esa lela so; mbe kasha nɛ k maa chɛrga na malɛ maa wora shɛŋ a gben.

Nshɛ 147:1

Men baa kpaŋ Enyɛnpe Ebɔrɛ na! Keboŋ nshɛ ŋ kpaŋ an Nyɛnpe Ebɔrɛ na walɛ ga. Kekpaŋ mo wɔ ebel ga nseŋ daga loŋ.

Nshɛ 33:1

A daga fanɛ menyi bekama nɛ menyee wora asheŋ niŋiso na; e boŋ nshɛ kagbenefuliso ŋkpal kusɔ nɛ Enyɛnpe na wora so. Menyi nɛ menyee wora mo kasonu na; e boŋ nshɛ kagbenefuliso n fur mo.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Matiu 19:17

Nɛ Yesu bishi mo: “Manɛ e ba nɛ fee bishi ma kelela be asheŋ? Esa koŋwule e baa la elelapo. Nɛ fee sha keluri ŋkpa na to, baa bɛ mbraana na so.”