Nshɛ 135:1 - EBƆRƐ BE KAWƆL

¹ Men kpaŋ Enyɛnpe Ebɔrɛ na! Menyi nɛ men la mbe nyɛrbi na e kpaŋ mbe ketre.

Nshɛ 135:1 Iomraidhean Croise

1 Kronikɛls 6:17

Bumo be ekama daa kɔ mbinyɛnsobi. Gɛshɔn be mbia e daa la Libni nɛ Shimei.

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Nshɛ 102:21

Amoso Jerusalɛmebi kikɛ e ber mbe asheŋ be kubomboŋ, nseŋ kpaŋ Enyɛnpe Ebɔrɛ be ketre na,

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 107:8

A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 111:1

Meeŋ kpaŋ Enyɛnpe Ebɔrɛ na ashi ma kagbene to. Ma alɛ beeŋ di mo epaŋ ashi mbe basa be nshɛr to.

Nshɛ 112:1

Men kpaŋ Enyɛnpe Ebɔrɛ na awɔrso! Kagbenefuli la bekama nɛ baa bunyaŋ Enyɛnpe Ebɔrɛ na nsaa wora mbe mbraana kasonu kagbenefuliso na peya nna.

Nshɛ 134:1

Menyi nɛ men la Enyɛnpe Ebɔrɛ na be nyɛrbi a shuŋ mo ashi mbe bɔrɛlambu to kanyɛso na e baa di mo epaŋ.

Nshɛ 148:13

Asɔ to so kikɛ e baa kpaŋ Enyɛnpe Ebɔrɛ na be ketre. Men baa kpaŋ mbe ketre na nawule. Ebɔrɛ be kemaŋkura shi ga a chɔ esoso nɛ kasawule so kikɛ peya.

Nshɛ 150:6

Asɔ keniso kikɛ e baa kpaŋ Enyɛnpe Ebɔrɛ na! Men baa kpaŋ Enyɛnpe Ebɔrɛ na!

Nshɛ 7:17

Mee chɔrɔ Enyɛnpe Ebɔrɛ ga ŋkpal e ka bee wora asheŋ nɛ amo be ekpa so so. Meeŋ boŋ kashɛ n di Enyɛnpetale Ebɔrɛ nɛ e wɔ esoso na epaŋ.