Nshɛ 13:1 - EBƆRƐ BE KAWƆL

¹ Enyɛnpe Ebɔrɛ, feeŋ teŋ ma so mbaanaayɔ a? Feeŋ ŋana ma so n chɛr a?

Nshɛ 13:1 Iomraidhean Croise

Job be kawɔl 13:24

Manɛ nna nɛ fee ŋana ma so nsaa ta ma fanɛ fo doŋ?

Nshɛ 10:12

Enyɛnpe Ebɔrɛ, wora kusɔ ko. Maŋ fo enɔ lempo na so n chɛ bumo nɛ b maaŋ tiŋ n chɛ bumo be amu to na to.

Nshɛ 35:17

Enyɛnpe Ebɔrɛ, feeŋ ba tase a keni nɛ b baa wora ma le a? Mɔlga ma ashi basa lubi ere be enɔ to. Mɔlga ma ŋkpa ashi basa nɛ b du fanɛ ebuluŋ ere be enɔ to.

Nshɛ 44:24

Manɛ nna nɛ fo ŋana anyi so, nseŋ teŋ anyi be awurfoŋ nɛ kamɛaŋ so?

Nshɛ 6:3

nɛ mee shin nɛ n wu. Saŋɛ mo nɛ feeŋ chɛ ma to, Enyɛnpe Ebɔrɛ?

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Nshɛ 80:4

O Enyɛnpetale Ewurbɔrɛ, jemanɛ mo nɛ fo basa be kabɔrɛkule maaŋ naa nu fo agbo?

Nshɛ 85:5

Feeŋ nya agbo n wɔtɔ anyi nɛ anyi be nnaŋ to ebi mbaanaayɔ a?

Nshɛ 89:46

O Enyɛnpe Ebɔrɛ, feeŋ ta fo kumu ŋ ŋana mbaanaayɔ a? Jemanɛ mo nɛ fo agbo nɛ k bee suse fanɛ edɛ na beeŋ wushi?

Nshɛ 90:14

Kachipurso kikɛ, shin nɛ fo kasha nɛ k maŋ kɔ ekar na e kukwe anyi, saŋɛ na so, anyeeŋ baa ta kagbenefuli a boŋ nshɛ anyi be kebaawɔtɔ kikɛ to.

Aizaaya 59:2

Menyi be alubi e barga menyi nɛ men be Ebɔrɛ be kefɛato. Amoso nɛ e maa nu menyi be kabɔrɛkule na.

Nfabel 5:20

Nɛ manɛ nna nɛ fo teŋ anyi so n chɛr loŋ? Manɛ nna nɛ fo kplaŋ anyi so loŋ?

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.