Nshɛ 127:3 - EBƆRƐ BE KAWƆL

³ Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Nshɛ 127:3 Iomraidhean Croise

Jɛnesis 1:28

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 33:5

Kumo be kaman nɛ Isɔɔ ki ŋ keni n wu beche na nɛ bumo be mbia na nseŋ bishi Jeekɔb le: “Fo nɛ basa mo malɛ nna?” Nɛ Jeekɔb kaŋɛ: “Mbia nɛ Ebɔrɛ wu ma kuwɔr n sa ma, fo kenya nna.”

Jɛnesis 4:1

Kachako nɛ Adam nɛ mbe eche Hawa di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Keen. Ŋkpal manɛ so, Hawa yɛ: “Enyɛnpe Ebɔrɛ na e chɛ ma to nɛ ŋ kurge ebinyɛn.”

Jɛnesis 48:4

nseŋ kaŋɛ ma le: ‘Meeŋ sa fo mbia damta nɛ b wora keshi ŋ ki efuli damtawuraana. Meeŋ ta kasawule ere n sa fo kanaŋ to ebi nɛ k baa la bumo peya mbaanaayɔ.’ ”

2 Samuɛl 3:5

Mo pibinyɛn shesopo e la Itriam nɛ mo alɛ mo nio la Igla na.

1 Kronikɛls 28:5

Enyɛnpe Ebɔrɛ ta mbinyɛnsobi damta n nɛfa ma ama m pibinyɛn Sɔlɔmɔn nɛ e lara fanɛ e ki Israɛl be ewura ma kaman.

1 Kronikɛls 8:40

Ulaam be mbinyɛnsobi na daa la benapo nɛ bekpampogboŋ nɛ b kɔ kenyɛn ga nna. Mbe mbinyɛnsobi nɛ mo nanabinyɛnsoana kikɛ daa wɔ basa kalfa nɛ adunu. Bumo kikɛ daa la Bɛnjamin be kaman to ebi nna.

Job be kawɔl 1:2

E daa kɔ bibinyɛn ashunu nɛ bibiche asa nna,

Aizaaya 13:18

Bumo be ata nɛ atanyembi nɛ baaŋ ta m mɔ mbrantiɛfɔlbi. B maaŋ wu mbi popɔrbi kuwɔr ŋko n shu mbiwurbi so.

Aizaaya 8:18

Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Ditɛronɔmi 28:11

Enyɛnpe Ebɔrɛ na beeŋ sa menyi mbia nɛ asɔbɔya nɛ adɔjibi damta ashi kasawule nɛ e nase kumo be kɔnɔ n sa menyi nananyɛnana na so.

Ditɛronɔmi 28:4

Enyɛnpe Ebɔrɛ na beeŋ nɛfa menyi nɛ men nya mbia nɛ adɔjibi nɛ ana nɛ mbolpɔ damta.

Demujipoana 12:9

E daa kɔ bibinyɛn adesa nɛ bibiche adesa nna. E daa maŋ shin nɛ mbe mbia na be ekama kil mbe kabuna be esa kama. E daŋ ya bar mbuna pɔtɛ be beche nna m ba sa mbe mbinyɛnso na nɛ b ta a kil nseŋ shin nɛ mbe mbicheso na malɛ kil mbuna pɔtɛ be benyɛn. Nfɛ ashunu nɛ Ibzan daŋ juŋkpar Israɛlebi.

1 Samuɛl 1:27

Ŋ kule Enyɛnpe Ebɔrɛ kebia ere nna nɛ mo alɛ sa ma kusɔ nɛ ŋ kule na gbagba.