Nshɛ 127:2 - EBƆRƐ BE KAWƆL

² Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba.

Nshɛ 127:2 Iomraidhean Croise

Job be kawɔl 11:18

Sheŋ maa naa tɔrɔ fo ashi fo kebaawɔtɔ to, Ebɔrɛ beeŋ sa fo tama nɛ fo maŋ naa wɔ kafɔŋ to.

Nshɛ 3:5

Saŋkama nɛ n dese a di, Enyɛnpe Ebɔrɛ na bee keni ma so nna, a kuŋ ma kanyɛ na kikɛ.

Nshɛ 4:8

Mee dese nna a di nɛ kagbenewushi, ŋkpal manɛ so, fo Enyɛnpe Ebɔrɛ nawule e naa kuŋ ma.

Nshɛ 60:5

Enyɛnpe Ebɔrɛ, nu anyi be kekule nseŋ ta fo enɔ lempo na m mɔlga anyi nɛ an la fo basa shaso na.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Kaŋinichiŋgeliŋ 1:14

Ŋ ka wu asheŋ nɛ a bee wora durnya ere to na, nɛ n yɛ; kusɔ kama maŋ kɔ tɔnɔ. K du nna fanɛ fo ka bee ju a bɛ afu so na.

Kaŋinichiŋgeliŋ 4:8

Kanyɛn ko e daa wɔtɔ; a maŋ kɔ ebi, mo alɛ daa maŋ kɔ ekurgepo kikɛ. E daŋ baa wɔ kushuŋ to nna saŋkama, ama mo alɛ be kenishi daa maa bɔlɔ kusɔ nɛ e bee nya so. Nɛ e yɛ: “Wanɛ bre so nɛ mee gben le saŋkama, nsaa maaŋ tiŋ n ta ma kegben n ji ma kumu gba ere?” Le be kesheŋ ere gba maŋ kɔ kifito, kumo alɛ nseŋ naa la kagbenejija ga be asheŋ!

Kaŋinichiŋgeliŋ 5:12

Etirpo bre ji nɛ e maŋ ji gba, e bee dese kanyɛso a di nɛnɛ nna. Ama amansherbi wura bre, maa di a mata, ŋkpal mbe kedamaya so.

Kaŋinichiŋgeliŋ 6:7

Kegben nɛ anyee gben ere kikɛ, kusɔ nɛ anyeeŋ ji so nɛ anyee wora. Amo nɛ amo kikɛ anyi alɛ kra maa ji a moɛ.

Jɛremaya 31:26

Saŋɛ na so basa beeŋ kaŋɛ le: ‘N di nna ŋ koso nɛ eleŋ popɔr.’

Ezikɛl 34:25

Ma nɛ bumo beeŋ wora kɔnɔkoŋwule be ŋkre nɛ k beeŋ bar bumo kayurwushi. Ma alɛ beeŋ ju kupuŋ to be asɔbɔya lubi na kikɛ kasawule na so, saŋɛ na so ma mbolpɔ maaŋ naa ŋana kufu.