Nshɛ 127:1 - EBƆRƐ BE KAWƆL

¹ Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Nshɛ 127:1 Iomraidhean Croise

1 Bewura 5:12

Enyɛnpe Ebɔrɛ daŋ bɛ mbe kɔnɔ naseso so nna nseŋ sa ewura Sɔlɔmɔn kanyiasheŋ. Ewura Hiram nɛ ewura Sɔlɔmɔn daŋ nase kagbenewushi be kɔnɔ nna n sa abar fanɛ b maaŋ kɔ abar kena kikɛ saŋɛ na so kagbenewushi beeŋ baa wɔ bumo be kefɛato.

1 Kronikɛls 28:10

Baa nyi fanɛ Enyɛnpe Ebɔrɛ na e lara fo fanɛ fo pɔr mbe bɔrɛlambu cheembi na n sa mo. Amoso a daga fo ka nya kagbene m pɔr kumo nɛnɛ.”

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

1 Kronikɛls 29:19

Jande sa m pibinyɛn Sɔlɔmɔn kasonu be kagbene nseŋ shin nɛ e ta kenishipere m pɔr bɔrɛlambu nɛ n chala kumo be kepɔr be asɔ kikɛ ere.”

Nshɛ 120:1

M baa wɔ tɔrɔ to, Enyɛnpe Ebɔrɛ na nɛ mee kule nɛ e bee nu ma kekule.

Nshɛ 121:1

N to kenishi ŋ keni abee so; Nnɛ nɛ ma kechɛto bee shi a ba?

Nshɛ 122:1

Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

Nshɛ 123:1

O an Nyɛnpe Ebɔrɛ, ma anishi yuu fo, nɛ fo kuwurputi wɔ ebɔrɛso na so nna.

Nshɛ 124:1

Men shin nɛ Israɛl be basa e kaŋɛ le: Enyɛnpe Ebɔrɛ na daa maa wɔ anyi be kaman nna; manɛ nɛ anyi daa beeŋ wora?

Nshɛ 125:1

Bekama nɛ b yirda Enyɛnpe Ebɔrɛ na, du fanɛ Zayɔn be kebee na nna ashi Jerusalɛm to, nɛ k maa gbuŋgbuŋ na nna. K yil nna mbaanaayɔ.

Nshɛ 126:1

Enyɛnpe Ebɔrɛ ka daŋ bɛta anyi n shi kenyaya to m ba Jerusalɛm to, k daŋ wora anyi nna fanɛ edare nɛ anyee ku.

Nshɛ 72:1

O Ebɔrɛ, shin nɛ ewura e baa ji kashenteŋ; nsaa ji asheŋ nɛ amo be ekpa so fanɛ fo.

Nshɛ 78:69

Kumo be awɔlto, nɛ e daŋ pɔr mbe bɔrɛlambu nɛ kumo be gbaltɔlase daa kɔ eleŋ fanɛ kasawule nɛ e to n yili mbaanaayɔ na.

Aŋasa 16:9

Dimɛdi e wɔ afɛso, ama Enyɛnpe Ebɔrɛ e wɔ aworbi.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

Sɔlɔmɔn 3:3

Nɛ basa nɛ baa keni kade na so kanyɛso na shɛr ma to nɛ m bishi bumo: “Men wu n jipo a?”

Sɔlɔmɔn 5:7

Nɛ basa nɛ baa keni kade na so na bee kulti m ba tu ma m bri ma, n doro ma nseŋ suge ma kusɔbuuso.

Aizaaya 27:3

“Mee keni kudɔ na so nna nsaa wurge kumo so nchu jemanɛ kikɛ. Ma alɛ naa kuŋ kumo kapa nɛ kanyɛ nna nɛ esa kikɛ e sa maŋ tiŋ n tɔrɔ kumo.

Aizaaya 56:10

E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!

Aizaaya 62:6

Jerusalɛm, n shin nɛ basa yil fo egbalana so e keni ekpa to. Kapa nɛ kanyɛ kikɛ, a maŋ daga b lo bumo be nnɔ kikɛ. A daga fanɛ b baa shin nɛ Enyɛnpe Ebɔrɛ e baa nyiŋi mbe nnɔ naseso na be asheŋ, nɛ e sa maŋ teŋ amo so kikɛ.

Jɛremaya 51:12

Men maŋ tuta na so a ŋini fanɛ kena na fara nɛ benapo na e fara a bure kadegboŋ na be egbalana na. Men shin nɛ benapo na be beko e ba ti bumo nɛ baa kɔ na so nseŋ shin nɛ beko e yili a de kadegboŋ na so nɛ beko malɛ e ya ŋana m pugi a jo!” Kusɔ nɛ Enyɛnpe Ebɔrɛ na kre kewora Babilɔn be efuli so be basa na nɛ e wora na.

Jɛremaya 51:31

Mbɔ malɛ baa yɔ kukoko to nna n ya kaa bɔ Babilɔn be ewura kubɔya fanɛ bedoŋ teŋ ŋ kɔ n suge bumo be kadegboŋ na kikɛ kuraa.

1 Kɔrintebi 15:14

Nɛ fanɛ Kristo malɛ baa maŋ tiŋi luwu to, kumo ere, anyi be kubɔya nɛ anyee bɔ na, maŋ kɔ kifito, nɛ men be yirda gba maŋ kɔ kifito.

1 Kɔrintebi 3:7

Amoso, esa nɛ e bee duu asɔ nɛ emo nɛ e bee wurge so nchu kikɛ maŋ la shɛŋ, Ebɔrɛ nawule e la kusɔ ko, ŋkpal manɛ so, mo e naa tiŋ a shin nɛ asɔ bee daŋ.

Galeeshaebi 4:11

Men be asheŋ bee ku ma kagbene nna nɛ mee fɛ fanɛ shere ŋ gben menyi so jiga nna na.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

Joshuwa 2:2

Nɛ Jɛriko be ewura nu fanɛ Israɛlebi ko ba ndoŋ nɛ b ba ŋana n dara bumo be kasawule.