Nshɛ 113:3 - EBƆRƐ BE KAWƆL

³ Baŋ yili karechɛ kikɛ be kachipurso n ya fo kaaseso, ekama e baa kpaŋ Enyɛnpe Ebɔrɛ na be ketre!

Nshɛ 113:3 Iomraidhean Croise

Nshɛ 18:3

Meeŋ di Enyɛnpe Ebɔrɛ na epaŋ; ŋkpal e ka mɔlga ma ashi ma doŋana be enɔ to.

Nshɛ 48:10

Fo asheŋ woraso niŋi saŋkama nna, nɛ fo ketre dii nɛ basa bee fur fo ashi durnya ere be kaplɛkama.

Nshɛ 50:1

Enyɛnpetale Ebɔrɛ, elempo na, bee tre durnya to be basa kikɛ nɛ b wɔ epeŋitɔrkpa nɛ epeŋilarkpa na nna fanɛ b shɛr.

Nshɛ 72:11

Kumo be kaman nɛ bewura kikɛ e ba jɔŋɛ mo ase. Nɛ efuliana na be basa kikɛ e shuŋ mo.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 59:19

Yili epeŋilarkpa m ba choŋ epeŋitɔrkpa, ekama beeŋ baa ŋana Enyɛnpe Ebɔrɛ na nɛ mbe eleŋgboŋ nseŋ bunyaŋ mo. E beeŋ ba fanɛ lɔr to be nchu nɛ a bee shile eleŋso ŋko afugboŋ nɛ a bee ber eleŋso na.

Habakuk 2:14

Ama kananɛ teku baŋ bɔlɔ nchu n sɔ kaplɛkama a dese na, aloŋ nɛ basa be kebaanyi Enyɛnpe Ebɔrɛ na be kemaŋkura be asheŋ beeŋ ba sɔ kasawule ere kikɛ so.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”