Nshɛ 102:1 - EBƆRƐ BE KAWƆL

¹ Mee kule fo nna, Enyɛnpe Ebɔrɛ! Jande, nu ma kekule.

Nshɛ 102:1 Iomraidhean Croise

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 143:4

Ŋkpal loŋ so ma tama kikɛ loge nna, nɛ ma kagbene jija ma m baŋ so.

Nshɛ 143:7

Jande Enyɛnpe Ebɔrɛ, nu ma kabɔrɛkule manaŋ! Ma tama kikɛ loge. Sa maŋ pal kaman n sa ma. Nɛ mannɛ aloŋ meeŋ ya ti bumo nɛ b teŋ wu n yɔ bubuni to na so.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 18:6

Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 5:2

Ma Ebɔrɛ nɛ ma ewura, nu ma kushu. Enyɛnpe Ebɔrɛ, mee kule fo nna, chɛ ma to.

Nshɛ 61:2

Ma tama kikɛ loge nɛ n wɔ efuli wɔfɔ so a shu a tre fo. Juŋkpar ma n yɔ kefalta gboŋ nɛ k du jeŋgreŋ a chɔ ma na so.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Nshɛ 77:3

N daŋ nyiŋi fo Ebɔrɛ na nna, nseŋ tekeŋto; n fɛ nfɛra ga, nɛ aba pɔ ma.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Nfabel 3:44

K du fanɛ fo ka wɔ awɔlpa be egbal be kaman nna nɛ kabɔrɛkule maaŋ tiŋ m bɔl kumo to n fo fo kutɔ.

Nfabel 3:8

Ŋ ka shu awɔrso ŋ kule mo fanɛ e chɛ ma to, e kini kenu ma kekule nna.

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”