Nshɛ 101:3 - EBƆRƐ BE KAWƆL

³ Ma alɛ beeŋ kishi kusɔ nɛ basa nɛ b pal kaman n sa Ebɔrɛ bee wora na kikɛ.

Nshɛ 101:3 Iomraidhean Croise

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Nshɛ 119:113

Ŋ kishi nfɛraanyɔnyɔwuraana be asheŋ ga; ama mee sha fo mbra bre be asheŋ.

Nshɛ 119:37

Lara ma lakal ashi asheŋ fuloŋ so; nseŋ shin nɛ ma kebaawɔtɔ e baa du fanɛ kananɛ fo kamalga bee ŋini na.

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Nshɛ 139:22

Yurkishi nawule nɛ ŋ kɔ a sa bumo; n ta bumo nna fanɛ ma doŋana.

Nshɛ 14:3

Ama basa kikɛ wora n foe ekpa. Bumo kikɛ wora alubi. Ekama maŋ wɔtɔ a wora alela; esa koŋwule gba maŋ wɔtɔ.

Nshɛ 36:3

Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Nshɛ 40:4

Enyɛnpe Ebɔrɛ na bee nɛfa bekama nɛ b yirda mo nɛ bumo nɛ b maa shuŋ agbir nɛ a la asɔ fuloŋ na nna.

Nshɛ 41:9

Nteri kpakpasoana nɛ n yirda ga, nɛ b daa tu ma a ji gba pal kaman nna n sa ma.

Nshɛ 78:41

B daŋ baa wɔtɔ nna a wora mo a keni, nsaa wɔtɔ Israɛl be Ebɔrɛ cheembi na ebesa to.

Nshɛ 78:57

B daa du fanɛ bumo nanaana nɛ b daa maa ji kashenteŋ nseŋ paŋ yirda na nna. Bumo alɛ daa du fanɛ ketanyembi kɔnto nɛ esa maaŋ tiŋ n fute n yige kumo so nna.

Nshɛ 97:10

Bekama nɛ baa sha Enyɛnpe Ebɔrɛ na kishi kulubi nna. Ŋkpal manɛ so, mo e naa kuŋ mbe basa nɛ baa ji kashenteŋ a sa mo na be ŋkpa nsaa kɔ a suge bumo ashi kumukpakpasowuraana be enɔ to.

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Aŋasa 6:12

Basa lubi nɛ basa fuloŋ e naa nite a ku efɛ.

Aŋasa 6:13

Baa kaa wora basa anishi nna ŋko a ta bumo be eyur be mba a malga basa kutɔ a fule bumo.

Aŋasa 6:25

Sa maŋ kpal loŋ be beche be kebita so n yɛlga bumo; ŋko n shin nɛ bumo be kayɛlga so be kekeni fo, e shin nɛ fo sha bumo.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Kaŋinichiŋgeliŋ 6:9

Shin nɛ kusɔ nɛ fo kɔ e baa bɔlɔ fo kenishi a chɔ fo ka beeŋ baa kɔ a fin kananɛ feeŋ ba nya ga saŋkama. K la asheŋ fuloŋ nna nɛ kumo alɛ be loŋ du fanɛ fo ka bee ju a bɛ afu so na.

Aizaaya 30:11

Men yige kebaakaŋɛ anyi kusɔ nɛ Ebɔrɛ kaŋɛ be asheŋ! Anyi maŋ naa sha kenu shɛŋ a laŋɛ Israɛl be Ebɔrɛ cheembi na be kaplɛa so.”

Aizaaya 33:15

Nɛ menyee kaŋɛ nsaa wora kusɔ nɛ k daga bre, menyeeŋ ji n lar Ebɔrɛ be demuji to. Amoso men sa maŋ ta eleŋ nɛ men kɔ na a puni betirpo. Menyi alɛ e sa maa sɔ brɔbu. Men sa maa tu basa nɛ baa kre basa be kamɔ ŋko a wora asheŋ alubi na a wora asheŋ.

Jɛremaya 22:17

Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Zakareya 8:17

Men sa maa kre kebaawora abar kulubi. Men sa maa bɔ ntaŋ a ji efɛ be eshɛda. Ŋ kishi le be alubiana ere kikɛ nna.”

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Galeeshaebi 4:9

Ama naniere bre men ba pin Ebɔrɛ. Kusɔ nɛ mee sha nɛ ŋ kaŋɛ e la fanɛ Ebɔrɛ e ba pin menyi de. Nɛ nuso nɛ a ji nɛ men naa bɛta a ta men be amu a sa le be durnya ere to be sososo be asɔ ŋiniso pɔso nɛ amo be asheŋ kɔ kuwɔr ere? Menyee sha fanɛ men naŋ bɛta ŋ ki amo be anya nna a?

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 15:9

Men sa maa kini kepaŋ basa asɔ ŋkpal kafɛ nɛ baa yige basa be akɔ a kɛ bumo na ka taga to so. Men sa maŋ shin nɛ le be nfɛra lubi ere e ba menyi to gba kuraa. Nɛ menyi baŋ kini kesa betirpo na m paŋ, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Hibruwebi 10:39

Ama anyi maŋ la basa nɛ baa bɛta kaman a mur na nna, an la basa nɛ baa yirda nna a nya kumɔlga.

Joshuwa 23:6

Amoso men baa da so nsaa bɛ kusɔ kama nɛ b sibɛ n nase Mosis be mbra be kawɔl na to na a maa gal mbra na be kekama a lɛ.

2 Pita 2:21

Nɛ b daa maŋ pin Ebɔrɛ be anishito be alelasheŋ be ekpa nna, k daa beeŋ baa bɔ bumo so a chɔ b ka ba pin kumo nseŋ naŋ pal kaman n sa Ebɔrɛ be kamalga naseso cheembi nɛ e daŋ ta n sa bumo na.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

1 Samuɛl 15:11

“K wora ma kagbenejija ga fanɛ ŋ ka ta Sɔɔl ŋ ki ewura; ŋkpal manɛ so e pal kaman n sa ma nseŋ kini ma mbra be keb so.” Kumo be loŋ daŋ pɛ Samuɛl agbo ga nɛ e kule Ebɔrɛ awɔrso hale nɛ kare ba chɛ.