Nshɛ 101:1 - EBƆRƐ BE KAWƆL

¹ O Enyɛnpe Ebɔrɛ, meeŋ boŋ kashɛ a laŋɛ fo kasha nɛ keji asheŋ nɛ amo be ekpa so be kaplɛa so.

Nshɛ 101:1 Iomraidhean Croise

Nshɛ 145:7

Baaŋ baa ji fo alelasheŋ damta be asheŋ a sa beko nsaa boŋ nshɛ kagbenefuliso a laŋɛ fo asheŋ niŋiso be kaplɛa so.

Nshɛ 51:14

Mɔlga ma ashi kamɔ be kulubi to. Ŋkpal manɛ so, fo nawule e naŋ tiŋ m mɔlga ma. Saŋɛ na so meeŋ boŋ kashɛ awɔrso ŋ kaŋɛ fo kumɔlga be eleŋ na be asheŋ.

Nshɛ 89:1

O Enyɛnpe Ebɔrɛ, meeŋ baa boŋ nshɛ a laŋɛ fo kasha nɛ k maŋ kɔ ekar na be kaplɛa so jemanɛ kikɛ. Ma alɛ beeŋ naa ber fo kashenteŋji na be kebomboŋ mbaanaayɔ.

Nshɛ 92:2

Keber mbe kasha be asheŋ be kebomboŋ kachipurso, nɛ mbe kashenteŋji be asheŋ kanyɛso gba walɛ ga.

Nshɛ 97:8

O Enyɛnpe Ebɔrɛ, Jerusalɛm to nɛ Juda be efuli so be ndeana to be basa be ŋgbene fuli nna, nɛ baa ji eyur ŋkpal fo demuji so.

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Romebi 11:22

To, loŋ e daga men ka keni m pin kananɛ Ebɔrɛ be kelela nɛ mbe nyaŋnyaŋ du. E ŋini basa nɛ b foe kashenteŋ be ekpa na so na kananɛ e du nyaŋnyaŋ nseŋ ŋini menyi alɛ mbe kelela nɛ men kraŋ baa wɔ mbe kelela na to nna na. Nɛ mannɛ aloŋ, e beeŋ ku menyi n lɛ fanɛ kananɛ e daŋ ku ayabi gbagba na n lɛ na.